Ramazan aıy kelgen kezde allergııasy bar adamdar ájeptáýir ábigerge túsedi. Dárisin qabyldamasa mazasy qashyp, densaýlyǵy bolmaıdy. Qabyldasa orazasy buzylady. Ne istemek kerek? Múftııat jaýap berdi, dep jazady Egemen.kz
Allergolog mamandar allergııanyń kóptegen túrleri baryn aıtady. Emdelý tásilderiniń deni aýyz-muryn qýysy arqyly ótetindikten, dinı basqarma bul nárselerdiń orazany buzatynyn aıtady.
Sondyqtan allergııasy bar adamdar mynalardy eskergeni jón deıdi: Oraza ustaıtyn ýaqyttan buryn, aldyn ala orazaǵa daıyndalyp, em sharalaryn jasap, allergııasynyń ásirese Ramazan aıynda boldyrmaý joldaryn qarastyrǵany abzal. Allergolog mamandar kisi allergııadan tolyq jazylyp kete almasa da, em alý arqyly keı túrlerin ýaqytsha toqtatýǵa bolatynyn aıtady; Ramazan aıy kelgende allergııasy sebepti oraza ustaýyna qıyndyq týsa, aýzyn ashpaı, oraza buzylmaıtyn tásildermen emdelýdi amaldap kórgeni abzal. Allergııasyna alatyn emderin barynsha aýyz bekitkenge deıingi jáne aýyz ashqannan keıingi ýaqytqa qaldyrý. Múmkin bolmaǵan jaǵdaıda dárilerdiń tamaqqa ketip qalmaıtyn joldaryn qarastyrý. Eger ýkol syndy ekpelermen emdeler bolsa, adamǵa kúsh-qýat, nár bermeıtindigine dárigerlerdiń nusqaýymen kóz jetkizý. Orazany buzbaıtyn emdik amal tabylmaǵan jaǵdaıda, allergııasy qozbaıtyn ýaqytta qazasyn ótep berý nıetimen oraza ustamaýyna bolady. Jazylǵannan keıin qazasyn óteıdi.Taǵy bir mańyzdy jaıt. Allergııanyń orazaǵa tán tustarynyń biri – tynys alý joldary bitelgende muryn men tamaq arqyly demikpesine tamyzǵy nemese spreı shashý arqyly emdelý. Hanafı mektebiniń shartynda: «Tamyzylǵan dári ishke ketpeı, murynda turaqtap qalatyn bolsa, orazany buzbaıdy» delingen. Sondyqtan múftııattyń pátýa bólimi barynsha saqtyq jasap óte az mólsherde tamyzǵan jón dep sanaıdy. Baıqaýsyzda tamaqqa ketip qalatyn bolsa, Ramazannan keıin bir kún qazasyn óteıdi.
Balalarǵa oraza ustaýǵa bola ma?
Tamaqqa ne murynǵa tamyzǵy ketip qalý qaýpi bolǵandyqtan murynǵa ıiskeıtin nemese muryn men tamaqqa spreı syndy shashatyn túrin azdap qoldanýǵa bolady.
2026 jylǵy Oraza kestesi jarııalandy
Allergııanyń neden paıda bolatyny jóninde jáne emdelýdiń ádis-tásilderýi týraly dárigerdiń pikirin oqı otyryńyz.