2011 jylǵy 21 mamyr , Astana, Úkimet úıi
Memlekettik menshik bolyp tabylatyn temir jol boıynsha temir jol qatynasyn toqtatý qaǵıdasyn bekitý týraly
«Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 7-babyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Memlekettik menshik bolyp tabylatyn temir jol boıynsha temir jol qatynasyn toqtatý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń 2011 jylǵy 21 mamyrdaǵy № 554 qaýlysymen bekitilgen
Memlekettik menshik bolyp tabylatyn temir jol boıynsha temir jol qatynasyn toqtatý qaǵıdasy
1. Jalpy erejeler
1. Osy Memlekettik menshik bolyp tabylatyn temir jol boıynsha temir jol qatynasyn toqtatý qaǵıdasy (budan ári – Qaǵıda) «Temir jol kóligi týraly» Qazaqstan Respýblıkasynyń 2001 jylǵy 8 jeltoqsandaǵy Zańynyń 7-babyna sáıkes ázirlengen jáne memlekettik menshik bolyp tabylatyn temir jol boıynsha temir jol qatynasyn toqtatý tártibin belgileıdi.
2. Temir jol qatynasy dep jóneltý jáne mejeli pýnktter arasynda temir jol kóligimen jolaýshylardy, bagajdy, júkterdi, júk-bagajdy jáne poshta jóneltilimderin tasymaldaý túsiniledi.
Osy Qaǵıdada paıdalanylatyn ózge de uǵymdar men termınder Qazaqstan Respýblıkasynyń temir jol kóligi týraly zańnamasynda belgilengen maǵynalarda qoldanylady.
2. Memlekettik menshik bolyp tabylatyn temir jol boıynsha temir jol qatynasyn toqtatý tártibi
3. Temir jol qatynasyn toqtatýdy temir joldardy magıstraldyq temir jol jelisiniń belgili bir ýchaskesinde odan ári paıdalaný ekonomıkalyq orynsyz (rentabeldi emes) ekendigine baılanysty temir jol qatynasyn toqtatý qajettiligi týraly Ulttyq temir jol kompanııasynyń usynysy negizinde ýákiletti organ júzege asyrady.
Temir jol qatynasyn toqtatý týraly usynysty Ulttyq temir jol kompanııasy ýákiletti organǵa jiberedi.
Temir jol qatynasyn toqtatý týraly usynys erkin nysanda jasalady, Ulttyq temir jol kompanııasynyń mórimen bekitiledi jáne tıisti temir joldardy paıdalana otyryp júzege asyrylatyn jáne tıisti baǵyttaǵy kóliktiń balama túrleriniń bolýymen jolaýshylardy, bagajdardy, júk-bagajdy jáne/nemese júkterdi tasymaldaý kólemi týraly derekterdi, magıstraldyq temir jol jelisi operatory qyzmetiniń paıdalaný kórsetkishteri týraly málimetterdi kórsete otyryp, tıisti temir jol ýchaskesinde qyzmetti júzege asyratyn tulǵalardyń tizbesin qamtýy tıis.
Ulttyq temir jol kompanııasynyń usynysyna:
1) temir jol qatynasyn toqtatý qajettiligi týraly anyqtama-negizdeme;
2) temir jol ýchaskesin kútip ustaýdyń jáne paıdalanýdyń shyǵyndylyǵyn rastaıtyn ekonomıkalyq esep, sondaı-aq qarjylandyrý kólemin odan ári paıdalaný úshin qajetti aqparat qosa beriledi.
4. Ýákiletti organ usynysty alǵan sátten bastap otyz jumys kúni ishinde temir jol qatynasyn toqtatý týraly Ulttyq temir jol kompanııasy bergen materıaldardy qaraıdy jáne Qazaqstan Respýblıkasy Qorǵanys mınıstrligine, aýmaǵynda temir jol ýchaskesi ornalasqan jergilikti atqarýshy organǵa jáne basqa da múddeli memlekettik organdarǵa kelisýge jiberedi.
5. Temir jol qatynasyn toqtatý týraly materıaldar qaraýǵa jiberilgen múddeli memlekettik organdar, jergilikti atqarýshy organ olardy alǵan kúninen bastap on jumys kún ishinde qaraıdy jáne kelisedi nemese dáleldi sebeptermen qabyldamaıdy.
6. Temir jol qatynasyn toqtatý týraly usynysty múddeli memlekettik organdarmen jáne aýmaǵynda temir jol ýchaskesi ornalasqan jergilikti atqarýshy organmen keliskennen keıin, ýákiletti organ on jumys kúni ishinde temir jol qatynasyn toqtatý týraly buıryq shyǵarady.