2011 jylǵy 30 maýsym, Astana, Úkimet úıi
Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtardy jáne Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aýdandardy belgileý qaǵıdasyn bekitý týraly
«Qazaqstan Respýblıkasynyń qorǵanysy jáne Qarýly Kúshteri týraly» Qazaqstan Respýblıkasynyń 2005 jylǵy 7 qańtardaǵy Zańynyń 7-babynyń 26-1) tarmaqshasyna sáıkes Qazaqstan Respýblıkasynyń Úkimeti qaýly etedi:
1. Qosa berilip otyrǵan Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtardy jáne Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aýdandardy belgileý qaǵıdasy bekitilsin.
2. Osy qaýly alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K.MÁSIMOV.
Qazaqstan Respýblıkasy Úkimetiniń
2011 jylǵy 30 maýsymdaǵy № 744 qaýlysymen bekitilgen
Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aýdandardy belgileý qaǵıdasy
1. Jalpy erejeler
1. Osy Qaǵıda «Qazaqstan Respýblıkasynyń qorǵanysy jáne Qarýly Kúshteri týraly» Qazaqstan Respýblıkasynyń 2005 jylǵy 7 qańtardaǵy Zańynyń 7-babynyń 26-1) tarmaqshasyna sáıkes ázirlendi, ol oq-dáriler men jarylǵysh zattardy saqtaý qaýipsizdigin, halyqty jáne óndiristik, áleýmettik-turmystyq jáne ózge de maqsattaǵy obektilerdi qorǵaýdy qamtamasyz etý maqsatynda Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aımaqtar men Qarýly Kúshterdiń, basqa da áskerler men áskerı quralymdardyń arsenaldary, bazalary men qoımalary janyndaǵy tyıym salynǵan aýdandardy belgileý tártibin aıqyndaıdy.
2. Qaǵıdada mynadaı uǵymdar paıdalanylady:
1) Qarýly Kúshterdiń, basqa da áskerler men áskerı quralymdardyń oq-dáriler arsenaldary, bazalary men qoımalary (budan ári – saqtaý obektileri) – áskerı maqsattaǵy obektiler, olarda artıllerııalyq, tank qarý-jaraǵyna 57 mm jáne odan joǵary kalıbrli oq-dárilerdiń túrleri men nomenklatýralarynyń 50-den astam shartty vagony, ınjenerlik oq-dáriler, sondaı-aq avıasııalyq zaqymdaý quraldary men áýe shabýylyna qarsy qorǵanys zymyrandary ustalady;
2) shartty vagon – 20 tonnaǵa teń oq-dáriler kólemin bildiretin oq-dárilerdi jetkizýdi esepke alý jáne saqtaý birligi;
3) Qarýly Kúshterdiń, basqa da áskerler men áskerı quralymdardyń oq-dáriler arsenaldary, bazalary men qoımalary janyndaǵy tyıym salynǵan aımaq (budan ári – tyıym salynǵan aımaq) – saqtaý obektileriniń órt qaýipsizdigin qamtamasyz etý maqsatynda bólingen saqtaý obektilerine tikeleı shektesetin aýmaq;
4) Qarýly Kúshterdiń, basqa da áskerler men áskerı quralymdardyń oq-dáriler arsenaldary, bazalary men qoımalary janyndaǵy tyıym salynǵan aýdan (budan ári – tyıym salynǵan aýdan) – saqtaý obektileriniń dıversııaǵa qarsy qaýipsizdigin qamtamasyz etý maqsatynda bólingen aýmaq;
5) qorǵanys qalqany – saqtaý obektisi aýmaǵynyń syrtyna ornatylatyn qorshaý topyraq úıindisi, jasandy úıindi, qorǵanys qurylysy jáne olar tutanǵan jaǵdaıda jarylǵysh zattardyń zaqymdaý qabiletin tómendetýge, sondaı-aq obekt sheginen tysqary turǵan áskerı jáne basqa da múlikti saqtaý qaýipsizdigin qamtamasyz etýge arnalǵan.
2. Tyıym salynǵan aımaqtar men tyıym salynǵan aýdandardy belgileý tártibi
3. Tyıym salynǵan aımaqtyń eni saqtaý obektisiniń syrtqy qorshaýynan 400 metrdi quraıdy. Jabdyqtalǵan qorǵanys qalqany bar bolǵan kezde eni 2 ese azaıtylady.
4. Tyıym salynǵan aýdan saqtaý obektisiniń syrtqy qorshaýynan 3 shaq. araqashyqtyqta belgilenedi.
5. Ieliginde saqtaý obektisi turǵan memlekettik mekemeniń basshysy (budan ári – mekeme basshysy) ıeliginde saqtaý obektisi turǵan Qarýly Kúshterdiń, basqa da áskerler men áskerı quralymdardyń tıisti basqarý organdarymen (budan ári – basqarý organdary) kelisim boıynsha eki danada tyıym salynǵan aımaqtar men tyıym salynǵan aýdandardyń shekaralaryn belgileıtin jospar-shemanyń jobasyn jasaıdy.
6. Kelisilgen jospar-shemanyń jobasy jergilikti atqarýshy organǵa (budan ári – ákimdik) joldanady.
7. Ákimdik alǵan kúninen bastap bir aı merzimde jospar-shemany bekitedi jáne bir danasyn mekeme basshysyna jáne kóshirmesin tıisti basqarý organdaryna joldaıdy, sondaı-aq azamattardy tyıym salynǵan aımaqtar men tyıym salynǵan aýdandar shekaralaryn belgileý jene oǵan baılanysty shekteýler týraly buqaralyq aqparat quraldary arqyly habardar etedi.
8. Jospar-shemany bekitkennen keıin mekeme basshysy jergilikti jerde tyıym salynǵan aımaqtardyń shekaralaryn jaqsy kórinetin kórsetkishtermen jáne memlekettik jáne orys tilderinde jazylǵan jazbalarmen belgileıdi.
9. Jergilikti jerde tyıym salynǵan aýdannyń shekarasy belgilenbeıdi.
10. Tyıym salynǵan aımaq aýmaǵynda jeke tulǵalardyń bolýyna, qurylysqa jáne dıversııaǵa jáne órtke qarsy qaýipsizdikti qamtamasyz etý maqsatynda júzege asyrylatyn jumystardan basqa qandaı da bir jumystardy júrgizýge jol berilmeıdi.
11. Tyıym salynǵan aýdan aýmaǵynda atys qarýynyń barlyq túrlerinen oq atýǵa, pırotehnıkalyq quraldardy paıdalanýǵa, sondaı-aq atys tırlerin, stendiler men atys alańdaryn ornatýǵa jol berilmeıdi.
12. Tabıǵı jáne tehnogendik sıpattaǵy tótenshe jaǵdaılar týyndaǵan kezde halyqty, óndiristik, áleýmettik-turmystyq jáne ózge de maqsattaǵy obektilerdi qorǵaýdy jáne qorshaǵan ortany qorǵaýdy qamtamasyz etý maqsatynda ıeliginde saqtaý obektileri turǵan basqarý organdary tyıym salynǵan aımaqtardaǵy jáne tyıym salynǵan aýdandardaǵy saqtaý obektilerine Qazaqstan Respýblıkasy Qarýly Kúshteriniń, basqa da áskerleri men áskerı quralymdarynyń tıisti bólimshelerin habardar etý jáne tótenshe jaǵdaılardyń saldarlaryn joıý, halyqty jáne múlikti evakýasııalaý jónindegi birlesken is-qımyldar josparlaryn ázirleıdi.
Jospar oblystyń tótenshe jaǵdaılar jónindegi departamentimen mindetti túrde kelisýge jatady jáne ony ıeliginde saqtaý obektisi turǵan basqarý organynyń basshysy bekitedi. Jospardy is júzinde pysyqtaý, ádette, kóktem-jaz maýsymy bastalar aldynda jylyna bir retten jıi emes júrgiziledi.
13. Tótenshe jaǵdaı týyndaǵan jaǵdaıda mekeme basshysy ákimdikti jáne oblystyń tótenshe jaǵdaılar jónindegi departamentin habardar etedi.
14. Tyıym salynǵan aımaqtyń jáne tyıym salynǵan aýdannyń shekaralaryn belgileý týraly máselelerdi qaraý kezinde týyndaıtyn daýlar, sondaı-aq tyıym salynǵan aımaqta nemese tyıym salynǵan aýdanda turǵan qurylystardy (ǵımarattardy) buzý (kóshirý) jáne azamattardyń qonys aýdarýy týraly máseleler qoldanystaǵy zańnamaǵa sáıkes sheshiledi. Saqtaý obektileriniń tyıym salynǵan aımaǵynyń nemese saqtaý obektileriniń tyıym salynǵan aýdanynyń quramyna qosýǵa belgilengen aýmaqta ónerkásip, aýyl sharýashylyǵy, kólik jáne basqa da kásiporyndar, uıymdar men mekemeler nemese olardyń paıdalanýyndaǵy ǵımarattar, qurylystar, sondaı-aq jer ýchaskeleri ornalasqan jaǵdaılarda kórsetilgen aımaqtar men aýdandar shekaralaryn belgileý týraly máseleni qaraýǵa ákimdikterdiń ókilderi, sondaı-aq osy problemany sheshýge múddeli mınıstrlikter, vedomstvolar, zańdy jáne jeke tulǵalar tartylady.