Jastar Konstıtýsııa jobasyn qoldaıdy

Jastar jınalǵan alań­da jańasha oı qozǵalyp, sal­maq­ty usynystar aıtyldy. Jıynda sóz alǵan oblys ákimi Nurymbet Saqtaǵanov el erteńi jastardyń qolynda ekenin atap ótti.

«Búgingi kezdesý tarıhı kezeńde ótip otyr. Memleket basshysy 2026 jyly 15 naý­ryzda respýblıkalyq refe­ren­dým ótkizý týraly Jar­lyq­qa qol qoıdy. Osy baǵyt­ta 130 adamnan turatyn kási­bı Konstıtýsııalyq komıssııa ashyq ári jarııa format­ta ju­mys istedi. Birlik pen yntymaq – memlekettik saıasattyń bas­­ty baǵyty. Qazirgi tańda onyń ózektiligi odan ári arta túsedi. Prezıdent atap ótken «Bir­ligi­miz – áralýandyqta» qaǵıda­sy – ózgermeıtin qundylyq», dedi óńir basshysy N.Saqtaǵanov.

«Assambleıa jastary» res­pýb­lıkalyq qoǵamdyq bir­les­ti­giniń tóraǵasy Tımýr Ju­myr­baev respýblıkalyq ıgi bas­ta­malardyń basym bóligi Shy­ǵys­tan bastaý alatynyn atap ótti.

«Elimiz qazirgi ýaqytta úl­ken qoǵamdyq-saıası mańyzdy oqıǵa­nyń aldynda tur. Bul rette respýblıka jastaryna da mańyz­dy jaýapkershilik júkte­lip jatyr. Jańa Konstıtýsııa elimizdiń jastary úshin jańa jáne turaqty bolashaqty qalyptastyrady dep senemiz», dedi Tımýr Ǵabdýluly.

Respýblıkalyq forýmda elimizdiń ár óńirinen kelgen jas­tar usynysyn ortaǵa salyp, oı-pikirin aıtty.

«Búgingi uıymdastyryl­ǵan sharanyń mańyzy zor. Úsh kún boıy úırenip, bilgeni­miz­di, túıgenimizdi óńirlerimizde paıdalanamyz. Shyǵys jas­ta­rynyń belsendilikteri men ıdeıa týǵyzatyn bastamalary unady. Forým jumysyna sátti­lik tileımin», dedi Taldy­qor­ǵan qala­synan kelgen Jetisý ob­lys­tyq «Assambleıa jastary» RQB tóraǵasy Ekaterına Podgornova.

Aıta keteıik, forýmda el jastary biraýyzdan jańa Ata zań jobasyn tolyq qoldaı­tyndyqtaryn bildirdi. Erteńgi kúni engiziletin ózgeristerdiń el bolashaǵy úshin mańyzdy ekenine basa nazar aýdaryldy.

Shyǵys Qazaqstan oblysy