2011 jylǵy 2 shilde, Astana, Úkimet úıi
Qazaqstan Respýblıkasy Úkimetiniń keıbir sheshimderine ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister men tolyqtyrýlar bekitilsin.
2. Osy qaýly alǵashqy resmı jarııalanǵanynan keıin kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSIMOV.
Qazaqstan Respýblıkasy Úkimetiniń 2011 jylǵy 2 shildedegi №761 qaýlysymen bekitilgen
Qazaqstan Respýblıkasy Úkimetiniń keıbir sheshimderine
engiziletin ózgerister men tolyqtyrýlar
1. «Jol sharýashylyǵyn quqyqtyq qamtamasyz etýdi jetildirý týraly» Qazaqstan Respýblıkasy Úkimetiniń 1998 jylǵy 5 qyrkúıektegi № 845 qaýlysynda (Qazaqstan Respýblıkasynyń PÚAJ-y, 1998 j., № 31, 269-qujat):
1) kirispe jańa redaksııada jazylsyn:
«Qazaqstan Respýblıkasynyń 2003 jylǵy 20 maýsymdaǵy Jer kodeksine, Qazaqstan Respýblıkasynyń «Qazaqstan Respýblıkasyndaǵy kólik týraly» 1994 jylǵy 21 qyrkúıektegi, «Jol qozǵalysynyń qaýipsizdigi týraly» 1996 jylǵy 15 shildedegi, «Avtomobıl joldary týraly» 2001 jylǵy 17 shildedegi zańdaryna sáıkes Qazaqstan Respýblıkasynyń Úkimeti qaýly etedi:»;
2) 1-tarmaq mynadaı redaksııada jazylsyn:
«1. Qosa berilip otyrǵan:
1) Qazaqstan Respýblıkasynyń aýmaǵynda avtomobıl joldaryn paıdalanýdyń tártibi;
2) Jalpy paıdalanymdaǵy avtomobıl joldarynyń jolaq bóliginde syrtqy (kórneki) jarnamany ornalastyrý tártibi bekitilsin.»;
3) kórsetilgen qaýlymen bekitilgen Qazaqstan Respýblıkasynyń aýmaǵynda avtomobıl joldaryn paıdalanýdyń tártibinde:
2-tarmaqtyń ekinshi sóılemi alynyp tastalsyn;
3-tarmaq alynyp tastalsyn;
5-tarmaq mynadaı redaksııada jazylsyn:
«5. Jol qozǵalysyna qatysýshylardyń:
1) Qazaqstan Respýblıkasynyń qoldanystaǵy zańnamasyna jáne osy Tártipke sáıkes jalpy paıdalanymdaǵy avtomobıl joldary boıynsha erkin, kedergisiz júrýge;
2) jol organdary men jol polısııasy bólimsheleriniń laýazymdy adamdarynan joldar boıynsha qozǵalystyń toqtatylýynyń nemese shektelýiniń sebepteri týraly túsindirme alýǵa;
3) júrý sharttary, kórsetiletin qyzmetter týraly, jol organdarynyń jol qozǵalysy qaýipsizdigin qamtamasyz etýdegi quqyqtary men mindetteri jáne jaýapkershiligi týraly tolyq jáne durys aqparat alýǵa;
4) jol-kólik oqıǵasy bolǵan jaǵdaıda oqıǵa bolǵan jerde de, medısınalyq mekemege bara jatqan jolda da tegin medısınalyq kómektiń kepildik berilgen kólemin, sondaı-aq jol-kólik oqıǵasy kezinde jol organdarynan, jol polısııasy bólimshelerinen jáne qyzmeti jol qozǵalysynyń qaýipsizdigin qamtamasyz etýge baılanysty laýazymdy adamdardan basqa da qajetti dárigerge deıingi kómek alýǵa;
5) jol-kólik oqıǵasynyń nátıjesinde kólik quraly jáne (nemese) júk zaqymdanǵan jaǵdaılarda zańnamada belgilengen tártippen zalaldyń ótelýine;
6) jol organdary laýazymdy adamdarynyń is-áreketterine Qazaqstan Respýblıkasynyń zańnamasynda belgilengen tártippen shaǵymdanýǵa quqyǵy bar.»;
8-9-tarmaqtar mynadaı redaksııada jazylsyn:
«8. Avtomobıl joldaryndaǵy jáne jol qurylystaryndaǵy qozǵalys qaýipsizdigine qaýip tóndiretin aqaýlardy baıqaǵan kólik quraldaryn júrgizýshiler men azamattar aqaýlardy óz kúshterimen joıý jóninde qoldarynan keletin sharalar qabyldaıdy nemese ol týraly jol organyna nemese jol polısııasy bólimshesine dereý habarlaıdy.
9. Kólik quraldarynyń tósemi jetildirilgen jolǵa shyǵar jerde ony paıdalanýǵa jaýapty laýazymdy nemese basqa tulǵalar, menshik nysandaryna qaramastan jer jáne qurylys jumystaryn júrgizip jatqan uıymdar, kólik quraldarynyń balshyqtan tazartylýyn qamtamasyz etedi jáne onyń joldyń júrý bóligine túsýine jol bermeıdi.»;
10-tarmaq alynyp tastalsyn;
mynadaı mazmundaǵy 10-1, 10-2-tarmaqtarmen tolyqtyrylsyn:
«10-1. Konsessııaǵa berilgen avtomobıl joldaryn nemese olardyń ýchaskelerin qosa alǵanda, jalpy paıdalanymdaǵy avtomobıl joldarynyń muqtajy úshin jerdi tehnıkalyq joba negizinde jerdi jol organyna turaqty paıdalanýǵa berý, joldy salý, qaıta jańartý jáne jóndeý kezinde qyzmetterdi jetkizýshilerge ýaqytsha paıdalanýǵa berý týraly sheshim qabyldaǵan organ bóledi.
Turaqty jer paıdalanýǵa jerler avtomobıl joldaryna, avtomobıl kóliginiń obektilerine jáne jol sharýashylyǵy, jer ústi jáne jer asty ǵımarattardy, qurylystardy, qurylǵylardy jóndeý, damytý obektilerine, sondaı-aq avtomobıl joldarynyń jolaq bólikterin belgileý úshin beriledi.
Qysqa merzimdi (5 jylǵa deıin) jáne uzaq merzimdi (5 jyldan 49 jylǵa deıin) ýaqytsha jer paıdalanýǵa jer qurylys materıaldary karerlerin, rezervterdi, qurylys jasaqtarynyń bazalaryn ıgerýge, aınalma joldarǵa, jol-qurylys materıaldaryn jınaýǵa arnalǵan oryndarǵa beriledi.
Ýaqytsha jer paıdalaný merzimi avtomobıl joldary jónindegi ýákiletti memlekettik organ bekitken tehnıkalyq jobada kózdelgen merzimdi eskere otyryp anyqtalady.
10-2. Avtomobıl joldarynyń boıynda sándik jáne qardan qorǵaıtyn ekpe aǵashtardy (sharbaqtar) ornalastyrǵan kezde jer tósemi jıeginen joldyń barlyq sanattary úshin qashyqtyq qar túsý kólemine baılanysty qabyldanady.»;
12-tarmaqta:
1) tarmaqsha mynadaı redaksııada jazylsyn:
«1) jol organdarymen jáne jol polısııasy bólimshelerimen:
iri gabarıtti jáne (nemese) aýyr salmaqty kólik quraldarynyń júrýine;
jarylǵysh, radıoaktıvti jáne kúshti áser etetin ýly zattardy tasymaldaýǵa;
avtomobıl joldaryn arnalardyń, baılanys jáne elektr berý jelileriniń, munaı qubyrlarynyń, gaz qubyrlarynyń, sý qubyrlarynyń, temir joldardyń jáne basqa da ınjenerlik jeliler men kommýnıkasııalardyń kesip ótýine;
avtomobıl joldarymen bir deńgeıde qıylysatyn kezde temir joldardyń kóterilýine jáne tómendetilýine nemese qosymsha jol tóseýge;
temir joldardy qıyp ótetin jerlerdi jaılastyrýǵa, qaıta jańartýǵa, jóndeýge jáne joıýǵa;
avtomobıl joldarynyń jol boıyndaǵy bóliginde qonaq úılerdi, motelderdi, kempıngterdi, avtomobılderge janarmaı quıý stansııalaryn, tehnıkalyq qyzmet kórsetý stansııalaryn, tamaqtaný jáne saýda pýnktterin ornalastyrýǵa;
avtomobıl joldarynyń jolaq bóliginde syrtqy (kórneki) jarnamany ornatýǵa;
avtomobıl joldarynyń jolaq bóliginde jáne jol boıyndaǵy bóliginde syrtqy jaryq túsirý tireýlerin ornatýǵa;
joldarda buqaralyq jáne sporttyq is-sharalar júrgizýge;
jalpy paıdalanymdaǵy jolaýshy kólik quraldary qozǵalysynyń marshrýttaryn ashýǵa jáne aıaldama pýnktterin ornalastyrýǵa;
júkterdi tıeý jáne túsirý úshin joldan túsý oryndary men alańdar jasaýǵa;
avtomobıl joldarynda kólik quraldary men júrginshilerdiń júrýine kedergi jasaıtyn kez kelgen jumystardy júrgizýge.»;
2) tarmaqshanyń tórtinshi abzasy mynadaı redaksııada jazylsyn:
«joldardyń jol boıyndaǵy jolaǵy sheginde eskertkishter qoıýǵa, sharbaqtardy, sándik aǵashtardy otyrǵyzýǵa, karerler qazýǵa;»;
mynadaı mazmundaǵy 12-1-tarmaqpen tolyqtyrylsyn:
«12-1) Jol organdary jáne jol polısııasynyń bólimsheleri kelisýdi jeti jumys kúninen keshiktirmeı júrgizedi.»;
16-tarmaq mynadaı redaksııada jazylsyn:
«16. Jalpy paıdalanymdaǵy avtomobıl joldarynyń jolaq bóliginiń jerleri jol organdarynyń nemese konsessıonerdiń ıeliginde jáne paıdalanýynda bolady ári avtomobıl joldaryn damytýǵa, abattandyrýǵa ǵana arnalǵan.
Jalpy paıdalanymdaǵy avtomobıl joldary jolaq bóliginiń jol organdary nemese konsessıoner paıdalanbaıtyn jer ýchaskelerin:
1) jalpy paıdalanymdaǵy halyqaralyq jáne respýblıkalyq mańyzy bar avtomobıl joldarynyń jolaq bóliginde – avtomobıl joldary jónindegi ýákiletti memlekettik organ;
2) jalpy paıdalanymdaǵy oblystyq nemese aýdandyq mańyzy bar avtomobıl joldarynyń jolaq bóliginde – oblystyń nemese aýdannyń jergilikti atqarýshy organy joldyń kóliktik-paıdalanylý sapasynyń tómendeýine jol bermeý, kólik quraldary júrisiniń qaýipsizdigi men qorshaǵan ortany qorǵaý talaptaryn saqtaýy shartymen syrtqy (kórneki) jarnamany ornalastyrý úshin jeke jáne zańdy tulǵalarǵa qysqa merzimdi ýaqytsha jer paıdalanýǵa berilýi múmkin.»;
17, 18-tarmaqtar alynyp tastalsyn;
19-tarmaq mynadaı redaksııada jazylsyn:
«19. Jol organdarymen kelisilgennen keıin joldardyń barlyq sanattary úshin qonaq úıler, motelder, kempıngter, tehnıkalyq qyzmet kórsetý stansııalary, tamaqtaný jáne saýda pýnktteri jer tóseminiń jıeginen 50 m-den jaqyn emes qashyqtyqta jobalanady jáne ornalastyrylady.
Jol organdarymen kelisilgennen keıin taıaý jerdegi avtomobılge janarmaı quıý stansııalary barlyq sanattar úshin jer tóseminiń jıeginen 25 m-den jaqyn emes qashyqtyqta jobalanady jáne ornalastyrylady.
Avtomobılge janarmaı quıý stansııalarynyń aýmaǵyna kirý jáne odan shyǵý, sondaı-aq tamaqtaný jáne saýda pýnktterine jáne basqalaryna kireberis joldary kólik pen júrginshiler qozǵalysy qaýipsizdiginiń talaptaryna jaýap berýi tıis.»;
23 jáne 24-tarmaqtar mynadaı redaksııada jazylsyn:
«23. Jol organdarynan ınjenerlik kommýnıkasııalardy tóseýge ruqsat alý úshin osy jumystardy júrgizetin uıym:
1) belgilengen tártippen ázirlengen jáne bekitilgen jobalaý qujattamasyn;
2) tapsyrys berýshiniń jumystardy qarjylandyrýdy qamtamasyz etetindigi týraly kepildemelik hatyn, sondaı-aq jol men jol qurylystaryn qalpyna keltirý jobasyn;
3) jol polısııasy bólimshelerimen kelisilgen jol belgileri men qorshaýlardy ornalastyrýdyń jáne jumys júrgiziletin oryndardyń shemasyn;
4) jumystar júrgizýdiń kúntizbelik kestesin;
5) joldyń zaqymdalǵan elementterin qalpyna keltiretindigi týraly mindettemeni nemese eger qalpyna keltirý jumystaryn jol organy oryndaıtyn bolsa, joldyń zaqymdalǵan ýchaskesin qalpyna keltirý kezinde júzege asyrylatyn jumystardy qarjylandyratyny týraly kepildemelik hatty usynady. Ol úshin jol organy men tapsyrys berýshi uıymnyń ókili zaqymdalǵan ýchaskelerdi qalpyna keltirý merzimin kórsete otyryp, jol jabynynyń, topyraq tóseminiń, aınalma jol men jol qurylystarynyń is júzindegi jaı-kúıi týraly, alda turǵan jumystardyń sıpaty men kólemi týraly ekijaqty akt resimdeıdi.
Jumystardy eldi mekenderdiń shekarasynda júrgizý boljanǵan jaǵdaılarda jergilikti atqarýshy organdarynyń ruqsaty da qajet.
24. Jalpy paıdalanymdaǵy joldarda jol jumystaryn jáne basqa da jumystardy júrgizý jol polısııasy bólimshelerimen kelisiledi.»;
25-tarmaqtyń birinshi bóligi mynadaı redaksııada jazylsyn:
«Shuǵyl avarııalyq-qalpyna keltirý jumystary jol organy ókiliniń jáne avtomobıl joldaryn basqarýshy ókiliniń qatysýymen, keıinnen osy Tártiptiń 13-tarmaǵynda belgilengen tártippen ruqsattar resimdele otyryp oryndalady.»;
29-30-tarmaqtar mynadaı redaksııada jazylsyn:
«29. Jabyn túrleri jetildirilgen negizgi joldardyń júrý bóliginiń lastanýyn boldyrmaý úshin olardan túsý jáne shyǵý joldarynyń barlyǵy qumaıt jáne qum topyraqty jerlerde uzaqtyǵy keminde 50 m jáne basqa topyraqty jerlerde keminde 100 m, al qıyrshyqtas tóselgen joldarda keminde 25 m qatty jabyn tóseý qajet. Jalpy paıdalanymdaǵy joldardy kesip ótetin jáne olarmen túıisetin, túsý jáne shyǵý joldarynda qatty jabyn tóseýdi olar qaramaǵyna berilgen kásiporyndar, uıymdar, sharýashylyqtar óz qarajaty esebinen, jol organdarynyń tehnıkalyq baqylaýymen júzege asyrady.
30. Joldardy salýdy nemese qaıta jańartýdy júrgizetin jol organdary jolda ornalasqan jer ýchaskelerin maqsatty arnalýyna sáıkes odan ári paıdalanýǵa jaramdy kúıge keltiredi.»;
32-tarmaqtyń toǵyzynshy abzasynyń memlekettik tildegi mátini ózgerissiz qaldyrylsyn;
33 jáne 34-tarmaqtar mynadaı redaksııada jazylsyn:
«33. Jol organdary jol polısııasymen jáne tabıǵı jáne tehnogendik sıpattaǵy tótenshe jaǵdaılar salasyndaǵy ýákiletti organmen birlesip, esstremaldy jaǵdaılarda (qolaısyz aýa raıy-klımattyq jaǵdaı, dúleı apattar, órt, avtomobıl joldarynyń kótergish qabiletiniń joǵalýy), sondaı-aq jóndeý-qurylys jumystary júrgizilgen kezde ol týraly jergilikti atqarýshy organdardy jáne tıisti jol belgilerin ornata otyryp, avtomobıl joldaryn paıdalanýshylardy habardar ete otyryp, kólik quraldarynyń qozǵalysyn shekteıdi nemese toqtatady.
34. Jol qozǵalysyna qatysýshylar úshin avarııalyq jaǵdaı týdyratyn jáne olar týyndaǵan kezde joldar boıynsha júrýdi shekteý nemese qysqa merzimge jabý talap etiletin qolaısyz aýa raıy-klımattyq jaǵdaılar mynadaı kórsetkishtermen sıpattalady:
1) shyny tárizdi juqa qabyrshaqty muz túrindegi kóktaıǵaq;
2) kórinýdiń 50 metrge deıin tómendeýi kezindegi tumandar;
3) ortasha jyldamdyǵy sekýndyna 20 metr jáne ekpini sekýndyna 25 metr jáne odan astam kúshti janama jáne daýyldy jelder;
4) jyldamdyǵy sekýndyna keminde 15 metr qatty jel soǵatyn, úlken qar massasyn úıetin, kórý qashyqtyǵyn 50 metrge deıin tómendetetin boran (quıyndar, borandar, qarly borandar);
5) jaýyn-shashynnyń túsý qarqyndylyǵy saǵatyna 1,5 mm astam kúshti qar jaýýy;
6) qar kóshkininiń, kóshkinniń, sel jáne sý aǵyndarynyń kóshýi.»;
36, 40 jáne 41-tarmaqtar alynyp tastalsyn;
39-tarmaq «nusqaýlyqtarǵa sáıkes» degen sózderden keıin «jol organdarymen kelisim boıynsha» degen sózdermen tolyqtyrylsyn;
43-tarmaq mynadaı redaksııada jazylsyn:
«43. Jóndeý jumystaryn júrgizgen uıym jumys aıaqtalǵannan keıin barlyq mehanızmderdi, materıaldardy, ýaqytsha belgilerdi, konýstardy, kedergilerdi jınap alady, joldardyń jol jamylǵysyn jáne ınjenerlik jaılastyrylýyn qalpyna keltiredi.»;
4) kórsetilgen qaýlymen bekitilgen Jalpy paıdalanymdaǵy avtomobıl joldarynyń jolaq bóliginde servıs obektileri men syrtqy (kórneki) jarnamany ornalastyrý tártibinde:
taqyryp mynadaı redaksııada jazylsyn:
«Jalpy paıdalanymdaǵy avtomobıl joldarynyń jolaq bóliginde syrtqy (kórneki) jarnamany ornalastyrý tártibi.»;
1-tarmaq mynadaı redaksııada jazylsyn:
«1. Osy Jalpy paıdalanymdaǵy avtomobıl joldarynyń jolaq bóliginde syrtqy (kórneki) jarnamany ornalastyrý tártibi «Jarnama týraly» Qazaqstan Respýblıkasynyń 2003 jylǵy 19 jeltoqsandaǵy Zańyna sáıkes ázirlengen jáne avtomobıl joldarynyń jolaq bóliginde plakattar, stendiler, jaryq taqtalar, bılbordtar, transparanttar, afıshalar jáne basqa de jarnamalardy turaqty ornatý obektileri túrindegi syrtqy kórneki jarnamalardy ornalastyrý sharttaryn, kelisý jáne ornalastyrý tártibin belgileıdi.»;
2-tarmaq alynyp tastalsyn:
3-4-tarmaqtardaǵy «servıs obektilerin jáne syrtqy (kórneki) jarnamany», «servıs obektileri men syrtqy (kórneki) jarnamany», «servıs obektileri men jarnamany» degen sózder «syrtqy (kórneki) jarnama obektileriniń» degen sózdermen aýystyrylsyn;
5-tarmaqtyń birinshi bóligi mynadaı redaksııada jazylsyn:
«Jalpy paıdalanymdaǵy avtomobıl joldarynyń jolaq bóliginde syrtqy (kórneki) jarnama obektilerin ornalastyrýǵa ruqsat alý úshin obektilerdiń ıeleri jalpy paıdalanymdaǵy avtomobıl joldary qaraýyndaǵy jol organdaryn ornalastyrý ornyn jáne óz derekterin kórsete otyryp, obektini ornalastyrýdy resimdeý týraly ótinish beredi. О́tinishke obektiniń túrli tústi oryndalýymen jáne ólshemderimen birge nobaıy qosa beriledi.»;
6-7-tarmaqtar mynadaı redaksııada jazylsyn:
«6. Másele oń sheshilgen jaǵdaıda obektini jolǵa baılanystyrý júzege asyrylady jáne pasport resimdeledi, onda: pasporttyń qoldanylý merzimi, obekt boıynsha jáne oǵan taıaý jerde qozǵalysty uıymdastyrýmen birge obektini jalpy paıdalanymdaǵy avtomobıl jolyna ornalastyrýdyń shemasy men syrtqy (kórneki) jarnama obektisiniń eskızi kórsetiledi.
7. Pasportty jol organy beredi jáne bes jumys kúni ishinde Jol polısııasy bólimshelerimen kelisiledi.
Pasporttyń qoldanylý merzimi avtomobıl joldaryn damytý baǵdarlamalaryna súıene otyryp anyqtalady, biraq bir jyldan aspaıdy jáne syrtqy (kórneki) jarnama obektisi ıesiniń jazbasha ótinishi boıynsha uzartylady.
Ornatylǵan obektilerdiń mólsherleri ózgergen jaǵdaıda pasport qaıta resimdeýge jatady.
Pasporttyń qoldanylýy obektiniń is júzindegi mólsherleri pasportta engizilgen mólsherlerge sáıkes kelmeıtindigi anyqtalǵan kezde toqtatylady.»;
14-tarmaq mynadaı redaksııada jazylsyn:
«14. Syrtqy (kórneki) jarnama obektileriniń ıelerinen alynatyn tólem tıisti bıýdjetke engizilýi tıis.»;
15-tarmaq mynadaı redaksııada jazylsyn:
«15. Syrtqy (kórneki) jarnama obektilerin tıisti qujattamalardy resimdemesten jáne ony jol organdarymen, jol polısııasy bólimshelerimen kelispesten óz betinshe ornalastyrýǵa tyıym salynady.
Syrtqy (kórneki) jarnama obektilerin naqty ornalastyrý tıisti ruqsat berý qujaty bolmaǵan kezde tólem somasyn óndirip alý jáne bıýdjetke engizý úshin negiz bolyp tabylady.»;
16-tarmaqtyń birinshi bóligi mynadaı redaksııada jazylsyn:
«16. Syrtqy (kórneki) jarnamany óz betinshe ornalastyrǵan ıeleri Qazaqstan Respýblıkasynyń qoldanystaǵy zańnamasynda belgilengen tártippen jol sharýashylyǵyna keltirilgen materıaldyq zalaldy óteıdi.».
2. «Qazaqstan Respýblıkasynyń avtomobıl joldaryn jikteý erejesi men sharttaryn jáne respýblıkalyq mańyzy bar jalpy paıdalanymdaǵy avtomobıl joldarynyń tizbesin bekitý týraly» Qazaqstan Respýblıkasy Úkimetiniń 2000 jylǵy 5 jeltoqsandaǵy № 1809 qaýlysynda (Qazaqstan Respýblıkasynyń PÚAJ-y, 2000 j., № 54, 596-qujat):
kórsetilgen qaýlymen bekitilgen Qazaqstan Respýblıkasynyń avtomobıl joldaryn jikteý erejesi men sharttarynda:
2-tarmaqtyń ekinshi bóligindegi «qalalar men» degen sózder alynyp tastalsyn.
3. «Avtomobıl joldaryn paıdalaný kezinde qaýipsizdikke qoıylatyn talaptar» tehnıkalyq reglamentin bekitý týraly» Qazaqstan Respýblıkasy Úkimetiniń 2008 jylǵy 27 naýryzdaǵy № 294 qaýlysynda (Qazaqstan Respýblıkasynyń PÚAJ-y, 2008 j., № 16, 155-qujat):
kórsetilgen qaýlymen bekitilgen «Avtomobıl joldaryn paıdalaný kezinde qaýipsizdikke qoıylatyn talaptar» tehnıkalyq reglamentinde:
17-tarmaqtyń 1) tarmaqshasynyń besinshi abzasy alynyp tastalsyn.