Qazaqstan men Chehııa ekijaqty saýda-ekonomıkalyq qarym-qatynastardyń damý áleýetiniń joǵary ekeni aıtylýda.
Energetıka vıse-mınıstri Baqytjan Jaqsalıevtiń málimetteri boıynsha, búginde Qazaqstan aýmaǵynda chehııalyq kapıtaldyń qatysýymen 185 birlesken kásiporyn tirkelgen, onyń ishinde jumys istep turǵandary - 107. Onyń sózine qaraǵanda, Chehııa Qazaqstanǵa avtokólik, avtobólshekter, elektr jabdyqtaryn, jıhaz, shyny ónimderin, farmasevtıkalyq taýarlar satady.
«Qazaqstan úshin ekijaqty qarym-qatynastardyń mashına jasaý salasy, atap aıtqanda chehııalyq mashına jasaý tehnologııalary mańyzdy baǵyttardyń biri bolyp tabylady. Bul sala eksporttyq áleýettiń negizin qalap otyrǵan, Chehııa ekonomıkasynyń eń kúshti baǵyty sanalatyny jasyryn emes. Bizde «Azııa Avto» men «Skoda Auto» arasyndaǵy nátıjelerdiń baryn bilemiz. «Skoda Qazavia» kóligin jáne «President Edition» sanatyndaǵy kólikterdi qurastyrýdyń konveıerlik jelisi quryldy. 2005 jyldan beri 70 mlrd. teńgege 19 888 «Skoda» kóligi satyldy», - dedi Jaqsalıev.
Degenmen, vıse-mınıstrdiń pikirinshe, Qazaqstan men Chehııa arasyndaǵy seriktestik olardyń shyn áleýetin asha almaı otyr. Saýda aınalymnyń kórsetkishteri shıkizattyq taýarlar men energotasymaldaǵyshtardyń qunynyń tómendegenine baılanysty tómen dóńgeıde saqtalýda.
«2005 jyldan 2016 jyldyń toǵyzynshy aıyna deıin, Chehııadan Qazaqstanǵa baǵyttalǵan ınvestısııalardyń jalpy kólemi nebári 186 mln. dollardy quraǵan. Biz jemisti seriktestik úshin barlyq ońtaıly jaǵdaılar jasap berip otyrmyz. Osyndaı ekonomıkalyq seriktestikte mańyzdy róldi Qazaqstan-Chehııa úkimetaralyq komıssııasy oınaıdy, ásirese ekonomıkalyq, ónerkásiptik jáne ǵylymı-tehnıkalyq baılanystar boıynsha. Komıssııanyń kelesi otyrysy Pragada 28 aqpanda ótedi. Qazaqstan men Chehııa arasynda 16 halyqaralyq kelisimshart jasaldy», - dep habarlady vıse-mınıstr.
О́z kezeginde, Chehııa Parlamenti depýtattary palatasynyń tóraǵasy Iаn Gamachek, cheh delegasııasy Qazaqstanǵa «bizdiń elder arasyndaǵy saıası dıalogqa daıyn ekendikterin» rastaýǵa kelgendigin atap ótti. Onyń sózinshe, mundaı kezdesýler dástúrge aınalyp otyr.
«Qazaqstan biz úshin Ortalyq Azııadaǵy eń iri saýda seriktesi bolyp tabylady. Ekijaqty qarym-qatynastardan kórip otyrǵan jemis te odan kóp bolýy tıis. Sońǵy eki jylda bizdiń saýda aınalym azdap tómendedi. Alaıda bul Qazaqstan nemese Chehııa shyǵaratyn ónimderdiń sapasy tústi degen sóz emes. Buǵan jahandyq syrtqy faktorlar óz áserin berdi. Munaı baǵasynyń quldyraýy, Reseıge qarsy jasalǵan sanksııalar jáne basqalar bar. Bizdiń elder arasynda kóp múmkindikter bar, olardy taýyp, damyta bilýimiz shart», - dedi Gamachek.