Qazaqstan Respýblıkasynyń Ulttyq Banki 2017 jylǵy 1 naýryzdan bastap 2006 jylǵy úlgidegi nomınaly 1000 teńgelik banknottardyń aınalysta bolýyn aıaqtaıtynyn jáne tólem quraly bolýyn toqtatatynyn eske salady, dep habarlaıdy Ulttyq bank.
Atalǵan kúnge deıin bul banknottar zańdy tólem quraly bolyp tabylady jáne Qazaqstan Respýblıkasynyń búkil aýmaǵynda tólemder jáne bank operasııalary úshin qandaı da bolmasyn shekteýsiz paıdalanylady. 2006 jylǵy úlgidegi nomınaly 1000 teńgelik banknottardy Ulttyq Banktiń barlyq fılıaldarynda olardyń aınalysta bolýynyń aıaqtalý kúnin kútpeı aıyrbastaýǵa bolady.
Odan keıin 12 aı ishinde – 2017 jylǵy 1 naýryz – 2018 jylǵy 28 aqpan aralyǵynda qosa alǵanda – kórsetilgen banknottar kez kelgen ekinshi deńgeıdegi bankte aıyrbastalady.
QR Ulttyq Bankiniń barlyq fılıaldarynda 2006 jylǵy úlgidegi nomınaly 1000 teńgelik banknottar aıyrbastaý úshin 2021 jylǵy 28 aqpanǵa deıin qabyldanady. Ulttyq Bank fılıaldary bul banknottardy komıssııa almaı aıyrbastaıdy.
Bul rette Ulttyq Bank zańdy tólem quraly bolyp tabylatyn nomınaly 1000 teńgelik eskertkish banknottardyń aınalysta ekendigin habarlaıdy.
Qazaqstan Respýblıkasynyń Ákimshilik quqyq buzýshylyq týraly kodeksine sáıkes aınalystaǵy banknottardy qabyldaýdan bas tartý shaǵyn kásipkerlik sýbektilerine nemese kommersııalyq emes uıymdarǵa – bes, orta kásipkerlik sýbektilerine – on, iri kásipkerlik sýbektilerine jıyrma bes aılyq eseptik kórsetkish mólsherinde aıyppul salýǵa ákep soǵady.
Bankterdiń jáne bank operasııalarynyń jekelegen túrlerin júzege asyratyn uıymdardyń banknottardy qabyldaýdan, usaqtaýdan jáne aıyrbastaýdan bas tartýy elý aılyq eseptik kórsetkish mólsherinde aıyppul salýǵa ákep soǵady.
Suraqtar týyndaǵan jaǵdaıda Qarjylyq qyzmetterdi tutynýshylardyń quqyqtaryn qorǵaý jáne syrtqy kommýnıkasııalar basqarmasyna +7 (727) 2788 058, 2619-234, 2704-585 telefondary boıynsha jáne Qolma-qol aqshamen jumys júrgizý basqarmasyna +7 (727) 2704-569 telefony boıynsha habarlasýǵa bolady.