Nur tamshylary tógilip, aınalany meıirimge bólep, jer-jahanǵa jasyl kóılek kıgizip, aq bulaqtar aqtarylyp, jyl qustarynyń áni shalqyp Naýryz keldi qazaq jerine.
Jyldan-jylǵa Naýryz meıramyn atap ótý aıryqsha sıpat alyp, kórkeıip keledi. Bereke-birliktin bastaýy, jańalyqtyń jarshysy, jyl basy Naýryzdy Sozaq aýdandyq ortalyq kitaphanasy bıyl teriskeı jerinde alǵashqylardyń biri bolyp bastady. О́z oqyrmandaryna naýryz kóje berýdi uıǵarǵan kitaphanashylar «Naýryznama: Naýryz – tilek, naýryz – dám» atty kitaphanashy qonaqjaıynda merekelik dastarqan jaıdy. Qonaqjaıda múmkindigi shekteýli azamattar, eńbek ardagerleri, ardaqty analar, zııaly qaýym ókilderi bir-birin jańa jylmen quttyqtap, dastarhan ústinde ónegeli áńgimeler, bata-tilekter aıtyldy. Qonaqtarǵa arnaıy daıyndalǵan konsertik baǵdarlama usynylyp, án-jyr shalqyp, myń buralǵan bıshiler toby óner kórsetti.
«Sozaqqa barsań kúıshimin deme...» degen edi uly jazýshy Muhtar Áýezov Ońtústikke jasaǵan saparynda. Sonyń dálelindeı, kúı tógilgen kún boldy. Daryndy kúıshi Erǵalı Júzbaev, talantty jastar Dına Bektaeva, Gúlnazıra Jeksenbıeva Súgirdiń, Tólegenniń kúılerin asqan sheberlikpen oryndap, mereke shyraıyn asha tústi. Ulttyq kıimder kıip, oramaldaryn tógildire salyp qyzmet jasaǵan kitaphanashylar, is-sharany júrgizýshiler naýryzdyń úlgi-ónegelik sıpatyna erekshe sán bergenin atap ótkenimiz jón.
Gúlnár О́MIRBEK
Ońtústik Qazaqstan oblysy,
Sozaq aýdany