"Aqparattyq resýrstardy qalyptastyrý boıynsha Mınıstrlik aldynda turǵyndar mindetterdiń biri - sıfrlyq saýattylyqty arttyrý. Osy rette ákimdikter tarapynan halyqty sıfrlyq daǵdyǵa oqytý boıynsha sharalar qolǵa alynatyn bolady. Eldegi aqparattyq kommýnıkasııalyq ınfraqurylymdy damytý baǵdarlamalaryń nátıjesinde búginde halyqtyń sıfrlyq saýattylyǵy 76 paıyzǵa jetti. Sıfrlyq daǵdynyń ekonomıkanyń barlyq salasynda basymdyqqa ıe ekenin eskere otyryp, bul jumysty jalǵastyra beretin bolamyz. 2021 jyly 1 mıllıonǵa jýyq adam oqyp, IT salasynda 100 myńnan astam maman daıyndalady", dedi mınıstr.
Dáýren Abaev uıaly telefon urlyǵyn toqtatý úshin olardy tirkeý boıynsha jumystardyń júrgizilip jatqanyn aıtty. Mınıstrdiń aıtýynsha, Qazaqstanda 30 mln-ǵa jýyq uıaly telefon tirkelgen.
"Qazaqstanǵa kelgen 200 mobıldi telefonnyń IMEI kody birdeı bolyp shyqty. Aýqymdy jumysty 1 jarym jyl ishinde aıaqtaımyz. 80 paıyz telefon jastardan urlanady", dedi Dáýren Abaev. Sonymen qatar mınıstr jyldyń sońyna deıin mınıstrlik saıtynda «Uıaly baılanys sapasyna halyqtyq baqylaý» servısin iske qosý josparlanǵanyn aıtty. Sondaı-aq mınıstr eseptik kezdesý barysynda buryńǵy on jylmen salystyrǵanda qazaq tilindegi jarnama qarqyndy damyp kele jatqanyn atap ótti.
Aıa О́mirtaı,
"Egemen Qazaqstan"
Sýretti túsirgen Erlan Omarov,
"Egemen Qazaqstan".