«Skıfıada» - ejelgi mádenıetten jetken ún

Almaty qalasynda Qazaqstan Respýblıkasynyń Táýelsizdiginiń 20 jyldyǵy jáne Qazaqstan Respýblıkasy Ulttyq kitaphanasynyń 80 jyl­dyǵyna oraı Reseı Jazýshylar odaǵynyń múshesi Aman­ǵalı Sultannyń «Skıfıada» atty eki tomdyq tarıhı kitabynyń tusaýkeser rásimi ótti. «Skıfıada» tarıhı dastany Eýrazııa aımaǵynda ómir súrgen saq-skıf taıpalarynyń tur­mys-tirshiligin, salt-dástúri men áıgili bıleýshileri, batyrlary haqynda jáne saqtardyń My­syr, Qytaı, Vavılon, Assırııa sekildi ejelgi órkenıettermen qarym-qatynasy jaıynda, jal­py kóshpeli qaýymǵa tán adamı asyl qasıetter men qundylyq­tar týraly tolǵaıdy. Buǵan deıin «Aıdyn shal­qar», «Jazǵyturym jarshysy», «Keń dala», «Qutty meken», «Taltús», «Ýaqyt ýaǵyzy» atty jyr jınaqtary jaryq kórgen aqyn Amanǵalı Sultan saq-skıfter týraly tarıhı dasta­nyn jıyrma bes jyl boıyna tal­maı, tarıhı izdenisterge sú­ıe­ne otyryp jazyp shyqqan. Tusaýkeserge til biliminiń mamany, fılologııa ǵylymdary­nyń doktory, professor Shora Sarybaev, belgili jazýshy, qo­ǵam qaıratkeri Smaǵul Elýbaı, «Muhtar Áýezov qory» qoǵam­dyq qorynyń prezıdenti Murat Áýezov jáne ǵylym men qoǵamǵa úles qosqan basqa da qaırat­kerler, kitaphana oqyrmandary men qyzmetkerleri qatysty. Kóne grek pen parsy ta­rıhshylarynyń jazbalaryn­da asqaq rýh ıeleri retinde sýretteletin saq-skıfter týraly das­tan qazaqy oqyrman qaýym­ǵa Gomerdiń «Ilıadasynan» kem áser etpeıtindigin aıta ketý kerek. Shyǵarma tartymdy da qa­ra­paıym mánerde, tarıhı dál­dikten esh aýytqymaı ja­zylǵan. Qanat ESKENDIR, Almaty.