22-23 shilde kúnderi Astanada ótetin XIII halyqaralyq «Eýrazııa» kınofestıvaline keletin qonaqtar sany kóp. Sheteldik qonaqtar qatarynda gollıvýdtyń tanymal juldyzdary – «Oskar», «Altyn globýs» laýreaty Nıkolas Keıdj, Djon Malkovıch, Edrıen Broýdı, Marko Mıýller bolady. Bul týraly XIII «Eýrazııa» HKF-niń bas dırektory Rashıd Nuǵyman habarlady.
– «Eýrazııa» kınofestıvalin ótkizýdegi basty maqsat – qazaqstandyq kıno óndiristi damytý. Sonymen birge Azııa men Eýropa elderiniń jemisti yntymaqtastyǵy úshin jańa múmkindikter qarastyrý. Keletin qonaqtar da kóp. Álemniń ár túkpirinen kásibı mamandar, álemge áıgili óner juldyzdary qatysady. Osy apta qyzý bolǵaly tur», deıdi týraly XIII «Eýrazııa» HKF-niń bas dırektory Rashıd Nuǵyman.
Onyń aıtýynsha, festıval aıasynda birneshe iri konkýrstar ótedi. Mysaly, «Astana EKSPO-2017» ulttyq kompanııasymen birigip uıymdastyrǵan «6 plaza» damýshy elder baǵdarlamasyna 66 el qatysyp, eń úzdik fılmder anyqtalmaq. Taǵy bir qyzyq jobalardyń qatarynda «Bes qurlyq» balalar fılmderiniń konkýrsy bar.
Aıa О́MIRTAI,
"Egemen Qazaqstan"