Kezdesýdiń alǵashqy taımynda gol soǵylmaǵanmen, kelesi 45 mınýtta alań ıeleri almatylyqtardy eki márte qapy qaldyryp ketti.
Matchtaǵy alǵashqy goldy 50-mınýtta Sabıen Lılıaı saldy. Ol «Qaırat» sapynan Sheldon Batonyń qateligin utymdy paıdalanyp, albanııalyqtardy alǵa shyǵardy. Osy goldan keıin almatylyqtar es jıyp, shıraq qımyldaı bastaǵan bolatyn. Al 75-mınýtta Sabıen Lılıaı ekinshi sary qaǵazyn alyp, alańnan qýylǵanda úmit oty paıda bolǵandaı edi. Biraq jerlesterimiz bul múmkindikti jóndi paıdalana almady. 83-mınýtta qaqpashy Stas Pokatılovtyń bolmashy jerden jibergen qateligi ekinshi doptyń soǵylýyna ákeldi. Bul goldyń avtory – Sebıno Plıaký.
Arada úsh mınýt ótkennen keıin «Qaırat» oıynshysy Arzonyń júıkesi syr berip, qarsylasyna qarsy dóreki túrde oıyn tártibin buzdy. Osy áreketinen keıin bas tóreshi ony oılanbastan birden alańnan qýdy. Qalǵan ýaqytta osy esep tirkelip, kelesi kezeńge albanııalyq ujym joldama aldy.
Aıta keteıik, Almatyda ótken birinshi match 1:1 esebimen aıaqtalǵan bolatyn.