Qazaqstan Respýblıkasynyń Premer-Mınıstri K. MÁSIMOV.
Qazaqstan Respýblıkasy Úkimetiniń 2011 jylǵy 3 qyrkúıektegi №1011 qaýlysymen bekitilgen
Rekvızısııalanatyn múlikti baǵalaý jáne onyń qunyn óteý mólsherin aıqyndaý qaǵıdasy
1. Osy Qaǵıda «Memlekettik múlik týraly» Qazaqstan Respýblıkasynyń 2011 jylǵy 1 naýryzdaǵy Zańynyń 207-babynyń 3-tarmaǵyna sáıkes ázirlendi jáne rekvızısııalanatyn múlikti baǵalaý jáne onyń qunyn óteý mólsherin aıqyndaý tártibin belgileıdi. 2. Rekvızısııalanatyn múliktiń qunyn Qazaqstan Respýblıkasynyń baǵalaý qyzmeti týraly zańnamasyna sáıkes baǵalaýshy aıqyndaıdy. 3. Baǵalaýshyny rekvızısııalaýdy júrgizetin ýákiletti organ aıqyndaıdy. 4. Baǵalaý júrgizý úshin Qazaqstan Respýblıkasynyń azamattyq zańnamasyna sáıkes baǵalaýshy men Shtabtar bastyqtary komıteti arasynda jasalǵan baǵalaý júrgizýge arnalǵan shart negiz bolyp tabylady. 5. Baǵalaý nátıjelerin rekvızısııalaýdy júrgizý kezinde soǵys jaǵdaıynyń is-qımyldary kezeńinde jergilikti atqarýshy organdar, soǵys ýaqytynda – Shtabtar bastyqtary komıteti, al jaýyngerlik is-qımyldar júrgizgen kezde – rekvızısııalaýdy júzege asyratyn áskerı bólimderdiń komandırleri bekitedi. 6. Rekvızısııalanatyn múlikti baǵalaýdy menshik ıesi nemese onyń ýákiletti ókili sot tártibimen daýlaýy múmkin. 7. Rekvızısııalanatyn múlik qunyn óteý mólsherin osy Qaǵıdaǵa sáıkes júrgizilgen baǵalaý nátıjeleri negizinde Shtabtar bastyqtary komıteti, jergilikti atqarýshy organdar jáne áskerı bólimderdiń komandırleri aıqyndaıdy.