Almaty qalasynyń Bostandyq aýdanynda Gınnestiń rekordtar kitabyna enýden úmitti, uzyndyǵy 110 metrge jetetin syrmaq toqylyp jatyr, dep jazady Egemen.kz.
Amandyq bolsa, aq ájelerimiz toqyp jatqan erekshe syrmaq dástúr men sheberlikti, ulttyq bolmysty toǵystyrǵan qolónershilikti de dáripteıdi. Aýdan ákimdiginiń qoldaýymen «Qazaq analary» ájeler qaýymdastyǵy uzyndyǵy 110 metr bolatyn biregeı syrmaqty Naýryz meıramyna qaraı toqyp bitýi tıis. Osynaý tamasha bastama Gınnestiń rekordtar kitabyna tirkeýge usynylǵaly otyr.
Almatyda ulttyq oıý-órnek dástúrine arnalǵan kórme ashyldy
Syrmaq dástúrli kıiz basý, tigý tehnologııalaryn saqtaı otyryp, tolyqtaı qolmen atqarylady. Oıý-órnekterde qazaqy naqyshtyń klassıkalyq úlgileri paıdalanylyp, dástúr jalǵastyǵy, qolónerge degen qurmet pen ulttyq murany saqtaýǵa degen umtylys kórinis tabady.
Bloomberg-ten CNN-ge deıin: Álemdik BAQ Almatyny úzdik 25 qalanyń qataryna qosty
Zerli bastama kólemimen ǵana emes, mazmundyq mánimen de aıryqsha. Joba ulttyq sándik-qoldanbaly ónerdi dáripteýge, aǵa býynnyń qoǵamdaǵy rólin nyǵaıtýǵa jáne dástúrli qundylyqtardy jas urpaqqa nasıhattaýǵa baǵyttalǵan. Sonymen kóldeı uzyn kórkem syrmaq Naýryz merekesine oraı jurttyń nazaryna usynylyp, ulttyń birligi men baılyǵyn, sheberlik dástúriniń ómirsheńdigin aıshyqtamaq.
Almaty oblysynda bir otbasy úıin kún panelderi arqyly jylytyp otyr