Erteń – Qurban aıt. Múftııattyń málimdeýinshe bıylǵy toqtylar qurbandyqqa jaramaıdy. О́ıtkeni qurbandyqtyń qabyl bolýy úshin, birinshi –yqylas-nıet durys bolýy, ekinshi – soıylatyn mal jaramdy bolýy kerek.
Eshkiniń jáne qoıdyń jasy bir jyldan asyp ekinshi jylǵa kirgeni, sondaı-aq alty aılyq marqa qozy (úlken qoı sekildi) iri, qońdy bolsa qurbandyqqa jaramdy. Sıyrdyń eki jasqa tolyp, úshinshi jylǵa kirgenin, al túıeden jasy bes jyldan asyp, altynshy jylǵa kirgenin qurbandyqqa shalýǵa bolady. Sonymen qatar soıylatyn maldyń kemshilik, kináraty bolmaýy kerek dep jazady Qazaqstan Musylmandary Dinı basqarmasynyń resmı saıty.
Qoıdyń bir jasy shamamen 6 aı. Sebebi, saýlyqtarynyń býazdyq merzimi 145-155 táýlikke sozylady, ıaǵnı ortasha eseppen 5 aı 10 kún. Sol úshin sharıǵatta alty aıdan asqan toqty qurbandyqqa jaramdy delingen.
QMDB bıylǵy toqtylardyń barlyǵy qurbandyqqa jaramaıtynyn eskertedi. О́ıtkeni tóqtynyń jasy kem degende alty aıdan asqan jáne iri bolýy shart. Dálirek aıtqanda, aǵymdaǵy jyldyń naýryz aıyna deıin týylǵan tól bolýy tıis. Elimizdiń birqansha óńirlerinde saqman sáýir aıynda bastalatyny belgili. Ásirese ortalyq jáne soltústik aımaqtarda. Sondyqtan, qurban malyn satýshylar men tutynýshylar osyny eskergeni abzal.