Ǵalymdar AITV-ǵa 99% qarsy turyp, onyń taralýyna jol bermeıtin antıdene oılap tapty, dep habarlaıdy VVS.
Ǵalymdardyń aıtýynsha, antıdene vırýstyń qorǵanysyn álsiretip, onyń taralýyna jol bermeıdi. Atalǵan zertteýd3 AQSh-tyń Ulttyq densaýlyq saqtaý ınstıtýty men Sanofi farmosevtıkalyq kompanııasy júrgizgen. Al Halyqaralyq kómek qaýymdastyǵynyń aıtýynsha, antıdeneniń ınfeksııany emdeý nemese aldyn alý múmkindikteri 2018 jyldan bastap zertteletin bolady. Iаǵnı, kelesi jyly adamdarǵa klınıkalyq testilý jumystary bastalady.
Science jýrnalynda jarııalanǵan maqalada zertteýshiler AITV-nyń aldyn alýǵa nemese emdeýge vırýsty álsiretetin antıdene qoldanýǵa bolatynyn aıtqan. Ǵalymdar dál osyndaı úsh túrli antıdeneni biriktirip qýatty trıspesıfıkalyq antıdene shyǵarǵan. Sanofi kompanııasynyń bas ǵylymı qyzmetkeri doktor Garı Nabelmenniń aıtýynsha, bul antıdene jasandy jolmen jasalsa da, tabıǵı antıdenege qaraǵanda anaǵurlym tıimdi eken.
24 maımylǵa júrgizilgen zertteý jumystaryna Garvard medısına mektebi, Skrıpps ǵylymı zertteý ınstıtýty men Massachýsets tehnologııalyq ınstıtýty da atsalysqan.