Qazaqstan men Horvatııa arasyndaǵy yntymaqtastyq nyǵaıa beredi

Eki eldiń Syrtqy ister mı­nıs­trleriniń orynbasarlary – Ro­man Vasılenko jáne Vıse Skra­chıchtiń qatysýymen bolǵan bul kezdesýde memleketterdiń óza­ra árekettestigin ekijaqty ynty­maqtastyqtyń barlyq baǵyt­tarynda jáne halyqaralyq arenada keńeıtý máseleler boldy.

Basqosýda sharttyq-quqyqtyq negizdi keńeıtý jáne áýe qaty­na­sy, aýyl sharýashylyǵy, ener­ge­tıka, týrızm, bilim jáne máde­nıet salalarynda ekijaqty keli­simderge qol qoıý týraly ýaǵda­lys­tyqtarǵa qol jetkizildi. Tarap­tar parlamentaralyq, vedo­mstvoaralyq jáne aımaqaralyq qarym-qatynastardy, iskerlik jáne mádenı-gýmanıtarlyq baılanystardy damytýǵa belsendi túrde járdemdesýge kelisti. Osy turǵyda aldaǵy ýaqytta Astanada Horvatııanyń elshiligin ashý mańyzdy qadam bolmaq.

R.Vasılenko 2017-2018 jyl­dar­daǵy Qazaqstannyń BUU Qaýip­sizdik Keńesindegi qyzmeti, ha­lyqaralyq qaýipsizdikti nyǵaı­tý­daǵy Astananyń úlesi, sırııa­lyq daǵdarysty retteý jónindegi Astana prosesiniń róli jáne Qazaqstannyń taǵy basqa syrtqy saıası qyzmeti týraly baıandady.

BUU, EQYU jáne basqa ha­lyq­­­aralyq uıymdar aıasyndaǵy ózara is-qımyl múmkindikteri de tal­qylandy. Negizinen Hor­­va­­­­tııa jaǵy Qazaqstannyń ıadro­­­­lyq qarýsyzdandyrý men tarat­­­­paý, halyqaralyq jáne aı­maq­­­­tyq qaýipsizdik pen turaqty­lyq­ty nyǵaıtý, sondaı-aq má­de­nıetaralyq jáne konfes­sııa­aralyq dıalogty damytýǵa qosqan úlesin joǵary baǵalaıdy.

Shara qorytyndysy boıynsha qos eldiń mınıstrleriniń oryn­basarlary 2018-2020 jyl­darǵa arnalǵan Qazaqstan jáne Horvatııa Syrtqy ister mınıs­tr­likteriniń arasyndaǵy ynty­maqtastyq josparyna qol qoıdy. Son­daı-aq qosarlanǵan salyq salý­dy boldyrmaý týraly keli­sim­niń qol qoıylǵan mátinimen al­mas­ty, bilim jáne mádenıet, týrızm, energetıka, aýyl sharýa­shy­lyǵy, áýe qatynasy salasyndaǵy yntymaqtastyq týraly qujattar jobalaryn kelisý boıynsha ýaǵ­dalastyqtarǵa qol jetkizildi.

Sapar aıasynda qazaqstandyq dıplomat Horvatııanyń Syrtqy jáne eýropalyq ister jónindegi mı­nıstrliginiń saıası máseleler boıynsha memlekettik hatshysy Zdravka Býshıch, Horvatııa pre­zı­dentiniń keńesshisi Mate Granıch, Horvat musylmandar odaǵynyń bas múftıi Azız Hasanovıchpen kezdesti.

Sonymen qatar Daga Ham­mar­­sheld atyndaǵy Dıploma­tııa jáne halyqaralyq qaty­nas­tar joǵary mektebiniń profes­sor­lyq-oqytýshylar quramy jáne stý­dentter aldynda sóz sóı­le­gen R.Vasılenko Prezı­dent N.Á.Nazarbaevtyń halyq­ara­lyq qaýipsizdikti nyǵaıtý baǵy­tyn­daǵy zor úlesin atap ótti.

«Egemen-aqparat»