Tulǵalarǵa taǵzym

 Ǵylymı semınar bıyl toqsanǵa kelgen ádebıettanýshy ǵalymdarǵa, sol ǵylymnyń kókjıegin keńeıtip, kósegesin kógertken, búginde aramyzda júrgen Serik Qırabaev, óki­nish­ke qaraı dúnıeden ótip ketken Zeınolla Qabdolov, Tur­synbek Kákishuly, Nyǵmet Ǵab­dýl­lın, Músilim Bazarbaev, Rah­manqul Berdibaı syndy tarlan akademıkterge arnaldy. Ýnıversıtet ustazdary men stýdentter qatysqan alqaly jıyn­da osy tulǵalardyń ǵylymı eńbekterimen qatar adamgershilik qasıetteri, úlgi tutar qyrlary jan-jaqty qamtyla baıandalyp, ǵylymǵa úles qosý men kóptiń múddesi úshin jumys isteýdiń mańyzdylyǵy týraly áserli estelikter aıtyldy. 

 Fılologııa ǵylymdarynyń doktory, akademık Seıit Qas­qa­basov baspasóz ókilderine bergen suhbatynda ótken ǵasyrdyń 50-jyldary ǵylymǵa kelgen osy toptyń qazirgi qazaq áde­bıettanýynyń ósýine, kásibı ǵy­lym retinde qalyptasýyna zor úles qosqanyn atap ótti. «О́tken ǵa­syrdaǵy saıası oqıǵalardy óz­derińiz jaqsy bilesizder. Aǵa býyn ǵalymdar sotty boldy, qýǵyn­daldy, jazyqsyz japa shekti. Ins­tıtýttarda qazaq áde­bıe­­tinen sabaq beretin ǵalymdar qal­maǵan kezder de bar. Sol kez­de osy býyn joqtyń ornyn toltyryp, ınstıtýttar men mektepterge arnalǵan oqýlyqtar jazdy, ǵylymmen aınalysty, shákirt tárbıeledi», dedi ol.

Jıyn barysynda baıan­dama jasaǵan fılologııa ǵylym­darynyń doktory, akademık Dıhan Qamzabekuly sol tulǵa­lar­dyń kúndelikti ómirde kózin kórgen, taǵylymyn alǵan shákirt retinde árqaısysyna sıpattama berip, biriniń zııalylyǵyn, biriniń sheshendigin, taǵy biriniń shákirtteri úshin erekshe jan tolqytar jaqsy qasıetterin áńgime ózegine aınaldyrdy. 

Ǵylymı semınarda «Zeı­nol­la Qabdolov jáne qazirgi áde­bıet teorııasy máseleleri» degen taqyrypta fılologııa ǵy­lym­darynyń doktory, pro­fessor Aıgúl Úsen, «Tursyn­bek Kákishuly – qazaq ádebıeti synynyń tarıhyn qalyp­tastyrýshy» degen taqyrypta fı­lologııa ǵylym darynyń doktory, professor Sa­ǵymbaı Juma­ǵulov, «Rah­manqul Berdi­baı zertteýindegi qazaq­tyń aýyz áde­bıeti máseleleri» degen taqy­ryp­ta fılologııa ǵy­lym­darynyń kandıdaty, professor B.Qor­ǵanbek, «Nyǵmet Ǵabdýllın já­ne qazaq ádebıetindegi jańa adam­dy beıneleý máseleleri» degen ta­qy­rypta fılologııa ǵalym­dary­nyń kandıdaty, dosent Gúl­darııa Erjanova syndy ǵalymdar baıan­dama jasap, joǵaryda attary atal­ǵan tulǵalardyń ǵylymı eńbek­teri men adamgershilik kelbet­terin jan-jaqty sıpattap, stý­dentter úshin tálim-taǵylymy mol jıynnyń ótýine atsalysty.

Aıgúl SEIIL,

«Egemen Qazaqstan»