Búgin Úkimet otyrysynda QR Premer-Mınıstri Baqytjan Saǵyntaev eksporttyq saıasatty jetildirý boıynsha birqatar tapsyrma berdi.
AО́K salasynda eksporttyq saıasatty jetildirý sharalary týraly aýyl sharýashylyǵy birinshi vıse-mınıstri Qaırat Aıtýǵanov baıandady. 2017 jyldyń qańtar–tamyz aılary aralyǵynda aýyl sharýashylyǵy ónimi men óńdeý ónimderiniń eksporty $1,3 mlrd qurady. Jalpy, 2016 jyldyń osy kezeńimen salystyrǵanda AО́K ónimderi eksportynyń 10,6 %-ǵa ($1,2 mlrd-tan $1,3 mlrd-qa deıin), sonymen qatar aýyl sharýashylyǵy qaıta óńdeý ónimderiniń 9,9 %-ǵa uıǵaıǵany baıqalady.
Qaırat Aıtýǵanovtyń aıtýynsha, Jol kartasy aıasynda Qytaımen, taıaý Shyǵys elderimen, sondaı-aq, Eýropa elderimen veterınarlyq jáne fıtosanıtarlyq talaptardy bekitý jumystary júrgizilip jatyr. 2017 jyldyń 9 aıynda AО́K ónimderiniń QHR-ǵa eksporty 20%-ǵa ulǵaıtylǵan. Iran tarapymen Qazaqstannan Iranǵa tiri qoı, muzdatylǵan jáne salqyndatylǵan qoı etin jetkizýge veterınarlyq talaptar bekitildi.
Bıyl BAÁ-ge IQM, UQM jáne úı qusynan alynǵan et pen et ónimderin talaptarǵa sáıkes eksporttaýdyń veterınarlyq sertıfıkatynyń formasy ekijaqty negizde bekitildi.
«Jalpy, AО́K ónimderiniń Saýd Arabııasyna eksporttalý úlesiniń artqanyn aıta ketý kerek. Ol ótken jyldyń osy kezeńimen salystyrǵanda 50 esege ósken. AО́K ónimderiniń Eýropa elderine eksporttalý kóleminiń artqanyn da aıta ketken jón. Sonyń ishinde, Eýropa elderine maıly daqyldar (zyǵyr, raps, kúnbaǵys dánderi), bıdaı, burshaq tuqymdas keptirilgen kókónister eksporty ulǵaıtylǵan», — dedi Qaırat Aıtýǵanov.
Budan ózge, AО́K ónimderiniń Ońtústik-Shyǵys Azııa jáne Taıaý Shyǵys elderine eksporty ulǵaıtylǵan. Sondaı-aq, Vetnamǵa da AО́K ónimderiniń eksporty artqan. Sıngapýrǵa alǵash ret 240 tonna zyǵyr dáni eksporttaldy. Aıta ketken jón, byltyrǵy kórsetkishpen salystyrǵanda bıyl Túrkııaǵa eksport kólemi eki esege ósken.
Budan ózge, eksportty damytý úshin «Azyq-túlik korporasııasy» UK» AQ syrtqy naryqtarda barlyq aýyl sharýashylyǵy ónimderin satý boıynsha eksporttyq ortalyq retinde qaıta quryldy. 2017 jyldyń 20 qarashasyndaǵy jaǵdaı boıynsha Korporasııa QHR, Iran, OA elderi, Ázerbaıjan jáne Belgııa elderine jalpy somasy $16 mln-ǵa 84 myń tonna kóleminde dándi jáne maıly daqyldardy eksporttaǵan.
Barlyǵy 2017 jyldyń sońyna deıin Azyq-túlik korporasııasy eksporttyq baǵytta 120 myń tonna dándi-daqyldardy, 2 myń tonna kúnbaǵys maıyn jáne 2 myń tonnaǵa deıin etti jalpy somasy $31 mln-ǵa ótkizýdi kózdep otyr.
QR ulttyq ekonomıka mınıstri T. Súleımenov, «Atameken» UKP basqarma tóraǵasy A. Myrzahmetov qabyldanyp jatqan sharalar týraly baıandamalarymen tanystyrdy, sondaı-aq, Premer-Mınıstrdiń orynbasary E. Dosaev, Premer-Mınıstrdiń orynbasary, aýyl sharýashylyǵy mınıstri A. Myrzahmetov qozǵalǵan máseleler boıynsha túsinikteme berip ótti.
Baqytjan Saǵyntaev máseleni qaraý qorytyndysy boıynsha beıindi mınıstrlikterge eksporttyq saıasatty jetildirý, shıkizattyq emes eksportqa qoldaý kórsetý tetikterin ázirleý boıynsha birqatar tapsyrmalar berdi. Sonymen qatar Ulttyq ekonomıka mınıstrligine qazaqstandyq ónimderdi shetel naryqtaryna eksporttaý kezinde paıda bolatyn kedergiler men shekteýlerdi joıý boıynsha jol kartasyn ázirleý tapsyryldy.
Bıoónimder (organıkalyq taza azyq-túlik ónimderi) eksportyna jaǵdaı jasaýdyń mańyzdylyǵyna erekshe kóńil bólindi.