Qostanaıdyń ortalyǵynan «Makdonalds» tez tamaqtanatyn meıramhanasy ashyldy. Qostanaılyqtar úshin qulaqqa tym jańa estiletin «Makdonalds» álemdik brend bolyp sanalady. Ol respýblıkada Astana men Almatydan keıin Qostanaıda salyndy. Jańa meıramhananyń ashylý saltanatynda oblys ákimi Arhımed Muhambetov jobanyń júzege asýy ÝEFA komıtetiniń vıse-prezıdenti, belgili bıznesmen Qaırat Boranbaevtyń eńbegi ekenin atap ótti. Saltanatqa Qaırat Boranbaevtyń ózi de qatysty.
«Álemdik brendtiń Astana men Almatyda segizi salyndy, mine toǵyzynshy meıramhana Qostanaıda paıdalanýǵa berildi. Bul onyń ıesine 780 mıllıon teńgege tústi. Meıramhanadaǵy tamaqtyń baǵasy tutynýshylar úshin arzan bolady. «Makdonalds» tek Qostanaıda ǵana emes, búkil elimizde qoǵamdyq tamaqtandyrýdy damytýǵa serpin beredi», dedi oblys ákimi Arhımed Muhambetov.
Qazaqstan «Makdonalds» ashylǵan 120-shy el. Bir jyldyń ishinde biz 3 mıllıon adamǵa qyzmet kórsettik, 800 jumys ornyn ashtyq. «Makdonaldstiń» altyn qaqpasy sapa men qoljetimdiliktiń sımvolyn bildiredi», dedi Qaırat Boranbaev.
Mamandardyń aıtýynsha, kúnine meıramhanadan 400 adam tamaqtanady, aıyna bıýdjetke 6 mıllıon teńge túsiretin bolady.
Názıra Járimbet
«Egemen Qazaqstan»
Qostanaı