Qazaqstandyq boksshy Rýslan Mádıev kásipqoı rıngtegi kezekti jeńisine qol jetkizdi, dep habarlaıdy «SPORTINFORM» SAA tilshisi.
AQSh-tyń Kalıfornııa shtatynda ótken kásipqoı boks keshinde Rýslan Mádıev meksıkalyq Martın Anhel Martınespen qolǵap túıistirdi. 6 raýndqa josparlanǵan orta salmaqtaǵy boksshylardyń jekpe-jegi 4 raýndta aıaqtaldy. Rýslan Mádıev tehnıkalyq nokaýtpen jeńiske jetti.
Bul jerlesimizdiń kásipqoı bokstaǵy on birinshi jeńisi, onyń ishinde - besinshi nokaýt. Martın Martıneste 18 jeńis, 14 jeńilis jáne bir teń oıyn bar.
25 jastaǵy Rýslan Mádıev (11-0-0, 5 KO) áıgili bapker Abel Sanchestiń «Big Bear» kesheninde Gennadı Golovkınmen birge jattyǵady.