«Jas tulpardyń» Aqmoladaǵy jańǵyryǵy

Táýelsiz­digimiz tóbeden salbyrap túse qaldy ma!? Joq! Bul Táýelsizdik erkindigin ózdiginen ózgeniń qolyna ustata salmaıtyn ulan dala ul­da­rynyń uly shaıqastarynda shyńdalǵan. Bul Táý­elsizdik bodandyq buǵaýynan bulqynǵan qaı­sar qazaq qanymen sýarylǵan. Bul Táýelsizdik halyq shejiresinde kómeskilenbegen irili-usaqty ult-azattyq kóterilistermen shyńdalǵan. Aqı­qa­tyn­da, qazaq halqynyń azattyq jolyndaǵy kúresi 1991 jylǵa deıin eshqashan úzilis taýyp kórgen emes. Sondyqtan belgili jáıtterdi bilteleı bermeı birden tańdaǵan taqyrybymyzǵa tamyr tartaıyq. О́tken ǵasyrdyń 60-shy jyldarynda qyzyl ımperııanyń Qazaqstanda júrgizip jatqan qyńyr saıasatyna qarsy oqyǵan qazaq jastarynyń ara­synda ashyq qarsylyq tolqyny boı aldy. Qazaq­standaǵy joǵary oqý oryndarynyń stýdent-jas­tary arasynda ulttyq sanany oıatý, aıaqqa ba­sylǵan ulttyq múddeni qorǵaý, quryp bara jat­qan qazaq tiliniń qasiretin ashyq kóterý maq­sa­tyndaǵy talpynystarǵa Máskeýdegi qazaq stý­dent­teriniń «Jas tulpar» atty ulttyq-shy­ǵar­ma­shylyq birlestiginiń yqpaly erekshe zor boldy. Sol kezeńdegi qazaq stýdent-jastary arasyndaǵy ahýaldy aıǵaqtaıtyn KSRO memlekettik qaýip­siz­dik komıtetiniń (KGB) muraǵat qujattaryn zerttegen tarıh ǵylymdarynyń doktory Janna Qy­dyralınanyń aıtýynsha, 1966 jyly 9 aqpanda «Jas tulpar» uıymynyń birqatar músheleri Almatyǵa kelip, QazMÝ stýdentterimen kezdesý ótkizgenin, sol kezdesýge Almaty medısınalyq ınstıtýtynyń 10 stýdenti qatysqanyn, kezdesýde Almatyda jáne basqa qalalarda «Jas tul­par» sııaqty shyǵarmashylyq birlestikter qurý týraly sóz bol­ǵanyn KGB qyzmetkerleri jan-jaqty zerttep, zerdelegen. Osy jaılar­dy qujattarǵa hattap, «senimsizderdi» ekshegen. Sol qujattardyń biri 1966 jylǵy 5 naýryzda Qazaq KSR KGB-synyń KSRO KGB-si 2-shi bas basqarmasyna joldaǵan ha­ty­­­­na nazar salaıyq. Onda 11 aq­pan­da Almaty medısınalyq ıns­tı­tý­tynyń 1-shi kýrsynda oqı­tyn qazaq stýdentteriniń ashyq túrde sabaqqa kelmegendigi, bir top stý­denttiń rektoratqa, sodan keıin Densaýlyq saqtaý mınıstrligine ınstıtýtta birqatar pánder­­diń (tarıh, hımııa, fızıka pánderiniń) qazaq tilinde júrgizilýin talap etken ujymdyq talaptaryn ashyq málimdegen. Qyly­shynan qan tamǵan qyzyl ımperııanyń qaharynan jel yǵyp, Máskeýdiń túkirigi jerge túspeı tur­ǵan kezeńde qazaq jas­ta­rynyń bul  qadamy naǵyz tótenshe jaǵdaı edi. KGB muraǵatyndaǵy osyn­daı qujattarda sony­men birge Qaraǵandy med­ıns­tıtýtynyń stýdenti Murat Keıkınniń, Gorkııdegi sý kóligi ınjenerleri ınstıtýtynyń stýdenti Saıat Ábilqa­sy­mov­tyń, Máskeý munaı ıns­tıtý­ty­nyń stýdenti Keńes Orynbasarovtyń, Selınograd medınstıtýtynyń stýdenti Gúljan Beı­bitovanyń qazaq stýdent-jastary arasynan ulttyq uıymdar qurýǵa nıettengen áreketteri jan-jaqty tekserilgenderi aıtylǵan. Búgingi áńgimemizdiń basty ar­qaýy da 1967 jyly Aqmola (Selınograd) medı­sı­nalyq ınstıtýty stýdent­teriniń arasynda «Oıan, qazaq!» atty uıym qurýǵa talpynǵan Gúljan Ǵazızqyzy Beıbitova haqynda bolmaq. Iá, ol bir ulttyq bolmysymyzdyń bolashaǵy bulyńǵyrlanyp, týǵan tilimizdiń tunyǵy tumsha­lanyp, qoldanys aıasy tarylyp, halyqtyq qalyp pen ulttyq sanany qara bult torlaǵan kezeń edi. Qazaq mektepterin bylaı qoıǵanda, irgeli qazaq aýyldarynyń ózi «bolashaǵy joq» atty qara tizimniń qamytyn kıip, jappaı jabyla bastaǵan bolatyn. Búkilodaqtyq tyń ıgerý naýqanynyń epısentrine aınalǵan Ortalyq jáne Soltústik Qazaqstannyń hali tipti múshkil kúıge tústi. Talaı-talaı zobalańdardan qazaǵy tipten seldirep qalǵan bul óńirlerge «tyń jáne tyńaıǵan jerlerdi ıgerý» jeleýimen Odaqtyń túkpir-túkpi­rinen adamdardy qoısha toǵytyp, aınaldyrǵan tórt-bes jyldyń ishinde Qazaqstan «100 ulttyń planetasyna» aınaldy da shyqty. Mine, naq osyndaı tyǵyryqty shaqta joǵary oqý ornynyń tabaldyryǵyn attaǵan kózi ashyq, kóńili sergek Gúljandy týǵan halqynyń bola­sha­ǵy qatty tolǵandyratyn. Qazaq KSR tústi metallýrgııa mınıstrligine qarasty ken oryndarynda ǵumyr boıy partııalyq jáne basshylyq qyzmet atqarǵan ákesi Ǵazız Beıbitovtiń jumys babyna baılanysty Bestóbe, Jolymbet, Aqsý sııaqty altyn óndirisi kentterine qonys aýdara júrip, ol óz jerinde ózderi ógeı ultqa aınalǵan qazaq halqynyń qasiretin bala kóńiline túıip, jas júregine toqyp ósti. Áli esinde, sonaý elýinshi jyldardyń basyn­da Bestóbe kentindegi balalar baqshasynyń ta­bal­dyryǵyn alǵash attaǵaly turǵan Gúljanǵa ákesi: «Balam, balalar baqshasynyń tárbıeshi­le­ri­niń barlyǵy basqa ult ókilderi. Olar seniń esimińdi ózgertip, basqasha Galıa, Gýlıa degen sııaqty oryssha ataıtyn bolsa, kelisimińdi berme», degen edi. Aıtqandaı-aq, erteńine balabaqsha tárbıeshisi Lıýdmıla Aleksandrovna Shpanberg Gúljandy ońasha shaqyryp alyp, «Davaı my tebe v sadıke býdem nazyvat Gýleı. Gýlıa ochen horoshaıa ımıa» demesi bar ma! Net, mne ne nado nıkakaıa horoshaıa ımıa. Menıa zovýt Gýljan», dedi qar­shadaı qyz tárbıeshige týra qarap. Týra qarsy­lyqtan tosylǵan tárbıeshi qaıta-qaıta basyn ızep, tutyǵyp qaldy. Bul bala Gúljannyń «aq degeni alǵys, qara degeni qarǵys» bolyp kelgen totalıtarlyq júıe­ge jasaǵan alǵashqy qarsylyǵy edi. Uzamaı ol mektep tabaldyryǵyn attady. Synyptaǵy jal­ǵyz ǵana qazaq balasy eken. Biraq Gúljan jalǵyz ekenmin dep jasyǵan joq. Qaıta ishteı jigerlenip, qazaq qyzy degen atyna kir keltirmeı oqýda da, qoǵamdyq jumystarda da ózgelerge úlgi bo­lý­ǵa tyrysty. Shańyraqtyń tuńǵyshy, úıdegi jeti balanyń úlkeni Gúljannyń boıynda ultjan­dy­lyq bolmysty qalyptastyrýǵa Ǵazız otaǵasy ba­rynsha yqpal etti. Naǵyz kommýnıst, laýazymdy partııa qyzmetkeri Ǵazız Beıbitov partııanyń ult­tyq saıasatyna degen qarsylyǵyn syrtqa ashyq shyǵarmasa da, balalarynyń boıyna týǵan hal­qy­nyń dástúrlerine degen adaldyqty, ult­tyq súı­is­penshilikti keńinen darytýǵa tyrysty. Uzaq ýaqyt issaparlarda júrgende, zaman aǵy­mymen bi­ryńǵaı orys mektepterinde oqıtyn balala­ry­nan qazaq tilinde hat jazýdy talap etti. Olardy qazaqtyń baı tarıhı bastaýlarynan nár alýǵa baýlydy. Aqsý orta mektebiniń joǵary synybynda oqyp júrgen kezinde tarıh pániniń muǵalimi Kolomeıes degen emtıhanǵa daıyndalyp júrgen balalarǵa: «Qazaq qyzdaryna jaqsy oqýdyń qa­jeti joq. Báribir olar mektep bitirgennen keıin «qalyń malǵa» berilip, turmys qurady», dep basqa ulttyń balalarynyń jaqsy oqýyna baryn­sha jaǵdaı jasaýǵa tyrysatyn. Soǵan qaramastan Gúljan mektepti úzdik bitirip shyqty. Kóp synyptastarynyń joǵary oqý ornyna túsýge jaǵdaıy bolmaı jatqanda, bul Selınograd me­dısınalyq ınstıtýtyna memlekettik emtıhandy oıdaǵydaı tapsyryp, 1966 jyly birinshi kýrs stýdenti atandy. Burynnan-aq boıynda ushqyndap júrgen ult­tyq namysty tutandyryp, tyǵyryqqa tireı tun­shyq­tyrylǵan qazaq tiliniń qasiretine baılanys­ty ashyq qarsylyq seziminiń beleń alǵan sáti de osy kezeńge tap keldi. Instıtýtta birde-bir pán qazaq tilinde oqytylmaıdy. Shalǵaı aýyldar­da­ǵy qazaq mektepterin úzdik bitirgen stýdentterdiń oqý úlgerimi nasharlap ketti. Olarǵa biryńǵaı oryssha jáne latynsha ótkiziletin ınstıtýt baǵ­darlamasyn ıgerip áketý úshin eshqandaı q­o­sym­sha kómek sharalary jasalǵan joq. Alǵashqy semestrden keıin orys tilin jetik bilmeıtin qazaq stýdentterin ınstıtýttan shyǵarý naýqany bas­tal­dy. Olardyń talpynysy men talabyna eshkim kóńil de aýdarǵan joq. Bolashaǵynan úlken úmit kúttirgen talaı-talaı talantty qazaq jastarynyń orys tilin bilmegendigine baılanysty bolashaqtaryna balta shabyldy. Búginde Qazaqstan medısına salasy­nyń bilikti ǵalymy Jaqsylyq Sársembaev, bilimdi dárigeri, marqum Jibek Baıtyshqanova sı­ıaq­ty Gúljannyń kýrstastarynyń basyna da osyndaı qıyndyq týdy. Budan ári áreketsiz otyra berý múmkin emes edi. Gúljan Selınograd medısınalyq ınstıtýtyndaǵy qazaq jastary­nyń basyn biriktirip, bir uıym qurýǵa bekindi. Alǵash ret jataqhanadaǵy bir bólmede jata­tyn kýrstasy Sálıma Qasymovaǵa osy sheshimin aıtty. Gúljannyń batyl bastamasyn Sálıma birden qoldady. Olar aldymen ınstıtýt basshy­lyǵyna qazaq mektepterin bitirip kelgen stýdentter úshin jalpy bilim beretin pánderdi qazaq tilinde oqytý jóninde talap qoıǵan hat jazyp, sodan keıin qazaq jastary arasynda ulttyq qun­dy­lyqtardy qorǵaýǵa baılanysty úndeý taratý tý­ra­ly kelisti. Ulttyq rýhanı qundy­lyqtardy qorǵaý­ǵa baǵyttalǵan «Oıan, qazaq!» atty uıym qurýǵa shaqyrǵan úndeýdiń qazaq jáne orys tilderindegi mátinin Gúljan Beıbitova óz qolymen jazyp shyqty. Qolmen jazylǵan sol úndeý mátininen qysqasha úzindi keltireıik: «Qazir qazaq halqyn tolyq orystandyrý saıasaty júrip ja­tyr. Qazaq mektepteri jappaı jabylýda. Bala­baq­shalarda búldirshinder taza orys tilinde tárbıelenedi. Barlyq jerde birdeı qazaq tiliniń qoldanys aıasyn qasaqana taryltyp, birte-birte ulttyq tilimizdi múlde joıyp jiberý naýqany beleń alǵan. Ulttyq dástúrimiz ben mádenıetimiz ógeısip barady. Ult ókili retinde partııa, sovet jáne komsomol qyz­metinde júrgender halyq múddesi úshin bir aýyz jyly sóz aıta almaıdy. Qazaqsha qoıylǵan esimderinen bas tartatyn balalar kóbeıdi. Bizge ult­tyq bolmysymyzdyń bolashaǵy úshin, týǵan tilimizdi saqtap qalý úshin kúresetin kez keldi. Konstıtýsııalyq quqyǵy­myzǵa sáıkes talap etemiz: qazaq tili men máde­nıetine, ulttyń dástúri men diline qysym kórsetý toqtatylsyn!..» Osyndaı maǵynada jazylǵan úndeýdi Sálıma ekeýi qoldan kóshirip, kóbeıtti. Endi stýdentter arasynda jaqtastar izdep, bul úndeýdi barynsha kóptep taratý máselesi turdy. Gúljan Beıbi­to­va­nyń «Oıan, qazaq!» uıymyn qurý jónindegi basta­masy Selınograd medısınalyq ınstıtýtynyń Jaqsylyq Sársembaev, Aqbaıan Maldybaeva, Jibek Baıtyshqanova jáne basqa stýdentteriniń ara­syn­da qyzý qoldaý tapty. Árıne, ınstıtýttan shy­ǵyp qalý qaýpinen qorqyp, uıym talaptaryn ish­­teı jaqtasa da múshe bolýdan bas tartqandar da az bolǵan joq. Oǵan qımyldaǵandy qalt jibermeı qa­daǵalaıtyn ataqty «úsh áriptiń» de salqyny tıdi. Ol bir kezeńde kez kelgen mekemede, oqý or­yn­darynda «úsh áriptiń» jasyryn jansyzdary júretin. Tipti ózińmen kóp jyldar qyzmettes bolǵan tamyr-tanystaryńnyń da KGB-nyń ja­sy­ryn tyńshysy bolyp shyqqan jaǵdaılary az bol­maıtyn. Gúljan Beıbitovanyń bastamasy da os­yn­daı jansyzdar nazarynan qaǵys qalmady. 1968 jyly óziniń sońyna tyńshy túskenin Gúl­jan da anyq sezine bastady. Olar ashyq áreketke barmaǵanymen basqan izin ańdyp, árbir qımylyn jiti baqylady. Instıtýt rektoraty men oqytý­shylary tarapynan da kúdik kúsheıe tústi. Aqyry 1968 jyldyń kúzinde Gúljan Beıbi­tovaǵa KGB-dan «shaqyrtý» keldi. Oblystyq qaýipsizdik komıtetiniń basshysy Qabdýlhamıt Nurǵalıevtiń bólmesinde astanadan arnaıy kelgen birneshe komıtet qyzmetkeri Gúljannan jaýap aldy. Gúljan Beıbitova KGB ofıserleriniń qoıǵan qıturqy suraqtaryna úkimetke qarsy eshqandaı áreket jasalmaǵanyn, memlekettik saıa­satty moıyndaıtyndaryn, tek Qazaq KSR-nyń Konstıtýsııasyna sáıkes qazaqtyń tili, dástúri men mádenıetiniń quqyn qorǵaý turǵysynda ǵana talaptar qoıatynyn aıtyp, batyl da naqty jaýap berdi. Birneshe saǵatqa sozylǵan tergeý Gúljan Beıbitova úshin «beıbit» aıaqtaldy. Oǵan uıym qurýǵa qatań tyıym salynatyny týraly eskertý jasap, ınstıtýtta ulttyq erekshelikterge baıla­nysty kemsitý kemshilikteriniń aldyn alý shara­lary jasalatyndyǵy jóninde málimdedi. Kóp uzamaı Selınograd medısına­lyq ınstı­týtynda qalyptasqan jaǵdaı birqatar ózgeris­te­r­ge ushyrady. Qazaq mektepterin bitirip kelgen jas­tarǵa qosymsha sabaqtar ótkizilip, til úırený úshin jaǵdaı jasalyndy. Olardy oqý úlgerimine baılanysty ınstıtýttan shyǵarý faktileri barynsha shekteldi. Gúljan Beıbitova keıinnen KGB keńse­sinde bolǵan sol bir kúrdeli kezdesýdiń qatań sharaǵa ulaspaı bitimgershilikpen aıaqtalýy sol bir jyldardaǵy týǵan halqynyń ulttyq qasiretin bar bol­mysymen sezinetin ultjandy azamat, KGB generaly Qabdýlhamıt Nurǵa­lıev­tiń kómegi ekenine kóz jetkizdi. 1972 jyly ınstıtýtty oıdaǵydaı támamda­ǵan­­nan keıingi Gúljan Ǵazızqyzynyń barlyq sa­naly ǵumyry adam densaýlyǵyna arasha turýmen ótip keledi. Aq halatty abzal jan sanatyndaǵy osy bir qyryq jylǵa sozylǵan eńbek jolynyń otyz jyldan astam ýaqytyn búgingi Astana qalasynyń medısınalyq salasyn nyǵaıtýǵa arnap, emhanalar júıesindegi basshylyq qyzmette ótkizgen eken. Osy jyldar ishinde ol Aqmola oblysynda ulttyq múddeniń, medısına sala­syn­daǵy qazaq kadrlarynyń qanshalyqty qyspaqqa alynǵanyn óz kózimen kórdi. Sonaý sekseninshi jyldardyń sońyna deıin Selınograd qalasyn­daǵy birde-bir emhanada qazaq bas dárigeriniń bolmaýy soǵan dálel bolsa kerek. Gúljan Ǵazızqyzy 1978 jyldan 1989 jylǵa deıin Selınograd qalasyndaǵy №2 emhana bas dárigeriniń emdeý jumysy jónindegi orynbasary bolyp eńbek etti. Osy on jyldan astam ýaqytqa sozylǵan bul kezeń óz jerinde ógeısitilgen ult­tyq kadrlar úshin kúrespen ótti dese de bol­ǵandaı. №2 emhananyń bas dárigeri Ekaterına Rybakova naǵyz shovınıstik pıǵyldaǵy adam edi. Bul kózqarasyn jasyrmaı-aq ashyq kórsetetin. Sol kezeńde al­dyńǵy qatarly mekeme bolyp sa­nalatyn №2 emhanada qazaq dárigerleri joqtyń qasy edi. Bilikti de tájirıbeli ulttyq maman­dar­dy bas dáriger ju­mysqa qabyldamaıtyn. Ult­jan­dylyq jasta­ıynan boıyna berik ornyqqan Gúljan Beıbitova bas dárigerdiń bul qylyǵyna únemi qarsy turyp, qazaq kadrlaryna qarsy bura tartýshylyqty bol­dyrmaýǵa tyrysatyn. Biraq «qazanshynyń erki bar, qaıdan qulaq shyǵarsa» degendeı, bılik ba­syndaǵy bas dáriger artyqshy­lyǵyn paıda­la­nyp, oıyna kelgenin istedi. Bas dáriger men oryn­basarynyń arasyndaǵy ekiudaı kózqarastan tý­ǵan kelispeýshilik talaı ret qalalyq densaýlyq saq­taý bóliminde, qalalyq partııa komıtetinde qa­ral­ǵan. Bul rette bilikti maman, birbetkeı Beı­bi­tovanyń jeńiske jetken kezderi az bolǵan joq. 1989 jyly Gúljan Beıbitova qalada jańa­dan ashylýǵa tıis №6 emhananyń bas dárigeri bolyp taǵaıyndaldy. Selınograd qalasynyń tarıhyn­da birinshi ret emhananyń bas dárigeri bolyp ta­ǵaı­yndalǵan qazaq kadryn synaqtan ótkizý úshin ja­sal­y ma, kim bilsin, qurylys ju­mystary jar­tylaı ǵana aıaqtalǵan emhananyń aty bar da, zaty joq edi. Bul Selınograd (Aq­mola) qala­sy­nyń tarıhynda emhanaǵa alǵash ret bas dáriger bolyp baratyn qazaq kadryna jasal­ǵan naqty kedergi, ashyq synaq edi. Ony Gúljan da, basqalar da birden túsindi. Bastapqyda Gúljan Beıbitova «on ekide bir nusqasy joq» №6 qalalyq emhanaǵa bas dáriger bolyp barýdan bas tartty. Degenmen, sol kezeń­degi oblystyq atqarý komıteti tóraǵasynyń orynba­sa­ry Záýre Qadyrova men Selınograd qalalyq partııa komıtetiniń ekinshi hatshysy Beken Álim­ja­nov­tyń aıtqandary ony raıynan qaıtardy. «Qalalyq emhanalardyń birde-bireýinde qazaq bas dárigeri joq. Gúljan-aý, bul qorlyqtan qashan, qalaı quty­lamyz?», degen edi bir sózinde Beken О́kenuly. Ataly sóz Gúljannyń namysyn qaırady. Ol táýekelge bel býyp, jańa emhananyń tizginin qol­ǵa aldy. Aldy degen aty bolmasa, shtattyq kestede «bas dáriger» degennen basqa nusqasy joq úlken mekemeni taqyr jerden tartyp áketý ońaı bolǵan joq. Gúljanǵa aldymen qurylysshy, odan qaldy prorab bolýǵa týra keldi. Alqam-salqam qurylysty bir jónge keltirip, jabdyqtaý jumy­syna kiristi. Emhananyń medısınalyq quralda­ry­nan bastap, jıhazdaryna deıin tirnektep qu­ras­tyrýǵa týra keldi. Qala irgesindegi Shortandy jıhaz fabrıkasynan árbir oryndyq, ústelge deıin ózi tasydy. Sol kezde Shortandy aýdandyq at­qarý komıtetiniń tóraǵasy bolǵan ultjandy aza­mat, el aǵasy Oraz Boranbaev sııaqty aǵala­rynyń jasaǵan jaqsylyǵyn eshqashan umytpaq emes... Emhananyń etek-jeńi jınalyp, dárigerler quramyn qabyldaıtyn da kez keldi. Tabıǵatynan birbetkeı  Gúljan Ǵazızqyzy qalalyq densaýlyq saqtaý bóliminiń shekteý qoıǵanyna qaramastan bas dárigerdiń orynbasarlarynan bastap, sala­lyq dá­rigerlerge deıin qazaq kadrlarynyń ishinen iriktedi. Ujymǵa qabyldaǵan qandastaryna qoıa­tyn bir ǵana talaby: bilim men biliktilik edi. Tek qana qazaq mamandarynan turatyn ujym­dy kórgen oblystyq densaýlyq saqtaý basqarma­sy­nyń bastyǵy Vladımır Malsev «er-toqymyn ba­ýyryna ala týlady». Gúljan Beıbitovaǵa ult­shyl degen aıyp taǵyp, máselesin ártúrli par­tııalyq komıssııalarda qaratty. Biraq ujymnyń qala turǵyndarynyń densaýlyǵyn qorǵaýdaǵy jumysynan kemshilik, mamandardyń kásibı biliktiliginen kinárat taba almaǵan komıssııa «emhanada qazaq kadrlary shektelsin» degen negizsiz sheshim shyǵara almady. Odan keıin tórt qubyla­myzdy teńestirgen Táýelsizdik tańy atty... О́zi qolymen qurǵan ujymyna taban aýdarmaı 21 jyl jetekshilik jasaǵan Gúljan Beıbitova úl­ken aby­roımen zeınet demalysyna shyqty. Táý­elsiz Qa­zaqstannyń «Qurmet» ordeni men bes birdeı meda­li­niń ıegeri, «Qazaqstan Respýb­lı­kasy densaýlyq saq­taý salasynyń úzdigi» Gúljan Ǵa­zız­qyzy ómirlik qo­saǵy, Qazaqstan baspasó­zi­niń ar­dageri Bádýan Imash­uly ekeýi Aıdar, Aı­dyn, Aıbek atty úsh ul ósirip, shúpirlegen nemere súıip otyr. Mine, osy maqala qattalyp jatqanda, Gúl­jan Beıbitova taǵy da bir ımandylyq paryzyn atqaryp, qajylyq sapardan oraldy. Jylqybaı JAǴYPARULY, Astana.