Qostanaı-Torǵaı jerinde uly aǵartýshy ustaz Ybyraı Altynsarınniń týǵanyna 170 jyl tolýyna baılanysty birsypyra sharalar ótti. Onyń barlyǵy da negizinen bilim oshaqtarynda uıymdastyryldy. Arqalyq qalasyndaǵy Y.Altynsarın atyndaǵy pedagogıka ınstıtýtynda «Jahandaný jaǵdaıynda bilim berýdegi ulttyq taǵylym máseleleri» taqyrybynda respýblıkalyq ǵylymı-praktıkalyq konferensııa bolyp ótti. Oǵan elimizdiń barlyq oblystarynan pedagog ǵalymdar men muǵalimder qatysyp, eki kún boıy búgingi urpaq tárbıeleý isi jóninde oılaryn ortaǵa saldy. Altynsarın týraly sharalardyń birsypyrasyn oblys ortalyǵyndaǵy L.Tolstoı atyndaǵy ámbebap kitaphana orys jáne qazaq mektepteri úshin jeke-jeke ótkizdi.
Uly ustazdyń mereıtoıyna baılanysty shara oblystyq mádenıet jáne bilim berý basqarmalarynyń qoldaýymen Qostanaı qalasyndaǵy Ybyraı atyndaǵy daryndy balalarǵa arnalǵan orta mektepte jalǵasyn tapty. Uly ustazdyń týǵan jerine onyń óziniń urpaqtarynyń shaqyrylýy osy sharanyń ereksheligi boldy desek, olar mektepterde, kitaphanalarda ótken sharalarǵa qatysty. I.Omarov atyndaǵy qazaq drama teatrynan Y.Altynsarın týraly spektakldi tamashalady.
Názıra JÁRIMBETOVA,
Qostanaı.