Nómirde osyndaı aıdar boıynsha ár jyldary «Egemen Qazaqstan» gazetin basqarǵan azamattardyń sózderi berilgen. Bul maqalalar negizinde belgili bir saýaldar boıynsha uıymdastyrylǵany seziledi. Máselen, gazettiń 1960-1969 jyldarǵy redaktory bolǵan Keńesbaı Úsebaevtyń maqalasy «Aǵalar isi úlgi bolsyn» dep atalsa, gazetti 1973-1983 jyldary basqarǵan Sapar Baıjanovtyń maqalasy «Ár gazettiń óz dańǵyly bolmas pa?..» dep atalǵan. Basylymǵa 1983-1986 jyldary redaktorlyq etken Balǵabek Qydyrbekulynyń maqalasy «Qazirgideı erkindik joq edi» degen taqyryppen berilgen. 1987-1989 jyldarǵy bas redaktor Kórik Dúıseev ózi basqarǵan kezdi «Qıyn da qyzyqty jyldar» dep eske alsa, 1989-1992 jyldarǵy bas redaktory Sherhan Murtaza aǵamyz óz lebizin «Úsh kúndeı óte shyqqan úsh jyl» dep eske alypty. Al 1992-93 jyldarǵy bas redaktor Ábish Kekilbaev aǵamyz «Gazetke azamattyq sıpat qajet» depti.