Búgin UBT bastaldy

Bul jyldar ishinde UBT-ǵa 1,5 mln-nan astam mektep bitirýshi qatysqan. 2017 jylǵa deıin UBT úsh fýnksııa­ny atqardy. Atap aıtqanda 11 jyldyq oqýdy aıaqtaý qory­tyndysy retindegi bitirý emtıhany, joǵary oqý oryndaryna túsý emtıhany jáne túlekterge memlekettik granttardy taǵaıyndaý mehanızmi. Byltyrdan bastap UBT-nyń jańa formaty engizilgeni má­lim. Iаǵnı qorytyndy attestat­taý nemese bitirý emtıhandary mektepterde ótkiziledi de, UBT joǵary oqý ornyna túsý jáne memlekettik granttardy taǵaıyndaý emtıhany bolyp qala beredi. Osy jylǵy UBT formatynda ózgeris joq. Al test suraqtary 50 paıyzǵa jańar­tyldy.

Bıyl UBT-ǵa qatysýǵa óti­­nish bergen mektep bitirý­shi­lerdiń sany – 102 442 (70%). Onyń ishinde 77 myń (76%) túlek qazaq tilinde, 25 myń (24%) túlek orys tilinde tapsyrady. Byltyrǵy jylmen salystyrǵanda UBT tap­syrýǵa ótinish bergen mektep bitirýshilerdiń sany 10 myńǵa ósip otyr. Sáıkesinshe qazaq tilinde tapsyratyn balalardyń sany 5%-ǵa ósti. Mektep bitirýshilerge alǵash ret testileýdi aǵylshyn tilinde tapsyrý múmkindigi beriledi. Bıyl Bilim jáne ǵylym mı­nıstrligi UBT nátıjeleri bo­ıynsha mektepter reıtıngin júrgizbeıdi. Túlekterdiń UBT-ǵa daıyndyǵy úshin synamalyq onlaın testileriniń fýnksıonaly jetildirildi. Endi odan úıde otyryp-aq ótýge bolady. Búginge deıin 145 myń ret onlaın-test tapsyrylǵan.

Test tapsyrýshylarǵa ar­nalǵan jaǵdaıdy jaqsartý maqsatynda bıyl ár túlekke UBT sertıfıkatymen birge beıindik pánderdiń kombınasııasy bar aqparattyq paraqsha beriledi. Sondaı-aq qandaı maman­dyqtarǵa barýǵa bolatyny týraly mamandyqtar tizi­mi usynylady. Al UBT-ǵa dáleldi sebeppen qatysa al­maǵan jaǵdaıda kelesi lekte tapsyrý nemese keshendi tes­tileý tapsyrý múmkindigi bar. Sonymen birge erekshe bilim alý qajettiligi bar balalar jeke kómekshimen nemese sýrdoaýdarmashy mamandarmen qamtamasyz etiledi. Qazaqstan boıynsha tegin qońyraý jasaýǵa bolatyn biryńǵaı call-ortalyq iske qosyldy.

«Egemen-aqparat»