AQSh prezıdenti Donald Tramp Iran fýtbol quramasynyń aldaǵy Álem chempıonatyna qatysýyn orynsyz dep baǵalady. Bıyl jazda ótetin týrnır AQSh, Kanada jáne Meksıkada uıymdastyrylady. Alaıda Iran quramasynyń jarysqa qatysatyny nemese qatyspaıtyny jóninde FIFA tarapynan resmı sheshim áli jarııalanbady, dep habarlaıdy Egemen.kz.
Donald Tramp óziniń «Truth Social» áleýmettik jelisindegi paraqshasynda pikir bildirip, Iran quramasynyń týrnırge qatysýy qaýipsizdik turǵysynan kúmán týǵyzatynyn aıtty.
«Irannyń fýtbol quramasy Álem chempıonatyna qatysa alady. Biraq men olardyń ómiri men qaýipsizdigi úshin bul týrnırge qatysýyn orynsyz dep sanaımyn», dep jazdy AQSh prezıdenti.
Buǵan deıin Irannyń sport mınıstri Ahmad Donıamalı el quramasy Álem chempıonatyna qatysa almaıtynyn málimdegen edi. Degenmen eldiń jarystan bas tartqany jóninde FIFA áli resmı habarlama taratqan joq.
О́z eliniń ánuranyn oryndamaı qoıǵan Iran áıelder quramasy músheleriniń taǵdyry ne boldy?
Aldyn ala jospar boıynsha Iran quramasy G tobynda Belgııa, Egıpet jáne Jańa Zelandııa quramalarymen oınaýy tıis edi. Komandanyń matchtary AQSh aýmaǵynda – Los-Andjeles pen Sıetl qalalarynda ótýi josparlanǵan.
Qazirgi ýaqytta Iran quramasynyń týrnırge qatysý-qatyspaý máselesi resmı túrde naqtylanbaǵan. FIFA-nyń túpkilikti sheshimi aldaǵy ýaqytta jarııalanady dep kútilip otyr.
Eń qymbat fýtbolshy: «Bolonıa» klýby Omar Muradovty rekordtyq somaǵa satyp aldy