«Real» men Horvatııa quramasynyń jartylaı qorǵaýshysy Lýka Modrıch FIFA-nyń nusqasy boıynsha jyldyń úzdik oıynshysy atandy.
Alǵashqy úshtikte Modrıchten bólek, Krıshtıaný Ronaldý men Mohammed Salah boldy. Horvat fýtbolshysy 29,05 paıyz daýys jınaǵan. Ekinshi orynǵa Ronaldý ornalassa (19,08%), úshtikti Salah qorytyndylap tur (11,23 %).
Modrıch bıylǵy jyly «Realmen» Chempıondar lıgasynda top jardy. Horvatııa quramasymen álem chempıonatynyń fınalyna deıin jetti. 33 jastaǵy fýtbolshy buǵan deıin ÝEFA-nyń tańdaýy boıynsha ótken maýsymnyń úzdik oıynshysy atanǵan.
Sóıtip, Ronaldý men Messıdiń 10 jyl boıy eshkimge ustatpaı kelgen «Jyldyń úzdik fýtbolshy» ataǵy osy jyly Modrıchke buıyrdy. Endi jeltoqsan aıynda «Altyn doptyń» ıegeri anyqtalady.