Kezdesýge Prezıdent Ákimshiliginiń Basshysy Á.Isekeshev, Densaýlyq saqtaý mınıstri E.Birtanov, «University Medical Center» korporatıvtik qory basqarmasynyń tóraǵasy J.Jumadilov qatysty.
Elbasyǵa «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty bıylǵy joldaýda aıtylǵan Astanadaǵy Ulttyq ǵylymı onkologııalyq ortalyq qurylysynyń tujyrymdamasy usynyldy.
Densaýlyq saqtaý mınıstriniń málimetine sáıkes, bul ortalyqtyń qurylys jumystary bıyl bastalady. Jańa medısına mekemesinde qaterli isik aýrýlaryna dıagnostıka jasap, emdeý úshin ozyq tehnologııa, sonyń ishinde lazerlik, sáýlelik, jasýshaly-ımmýndi terapııa jáne ózge de zamanaýı ádister qoldanylatyn bolady.
Sonymen qatar, Memleket basshysyna joldaýdaǵy jekelegen baǵyttardy iske asyrýǵa qatysty Nazarbaev Ýnıversıtetiniń qazirgi jumystary jóninde baıandaldy.
Sh.Katsý Qazaqstan Prezıdentine Innovasııalyq klasterdiń jumys jospary men ýnıversıtettiń ǵylymı-zerthanalyq kesheniniń iske qosylýy jóninde málimdep, Nazarbaev zııatkerlik mektepterin damytýdyń birqatar máselelerin atap ótti.
Kezdesý qorytyndysy boıynsha Nursultan Nazarbaev birqatar naqty tapsyrma berdi.