Elbasy N.Nazarbaevtyń Joldaýy naqty qoǵamdyq baǵytqa ıe, ol azamattarymyzdyń ómir súrý sapasyn qamtamasyz etýge baǵyttalǵanyn atap ótý kerek. Qazirgi tańda kóptegen elderdiń ekonomıkasy, tutas halyqaralyq naryq quldyraý kezeńin bastan ótkerip jatqan kezde Qazaqstan Prezıdenti «Memleket odan ári de turaqty damýǵa jáne halyqty keń aýqymda qoldaýǵa baǵyttalǵan joldy ustanatyn bolady» dep qadap aıtty.
Ekinshiden, bizdiń kompanııamyz júzege asyrǵan «Bıznestiń jol kartasy» jáne «Nurly jer» baǵdarlamalaryna Elbasynyń oń baǵa bergeni birqatar mańyzdy memlekettik baǵdarlamalardyń operatory bolyp tabylatyn «Báıterek» holdıngi úshin óte mańyzdy. Memleket basshysynyń tapsyrmasy boıynsha eki baǵdarlama da 2025 jylǵa deıin uzartyldy – bul halyq úshin óte úlken kómek. Sonymen qatar bul shaǵyn jáne orta bıznesti, sondaı-aq turǵyn úı salasyn damytýǵa zor yntalandyrý bolyp tabylady.
Osylaısha, «Bıznestiń jol kartasy» baǵdarlamasyn iske asyrý úshin jyl saıyn 30 mlrd. teńge bólý josparlanyp otyr. Ol úsh jylda taǵy 20 myńnan astam jańa jumys orynyn ashýǵa, 220 mlrd teńgeden astam salyqtyń túsýine jáne 3 trln teńgege ónim satýǵa múmkindik beredi.
Joldaýdyń «О́mir súrýge jaıly orta qalyptastyrý» atty úshinshi mindetin iske asyrýǵa kelsek, holdıng enshiles uıymy «Turǵyn úı qurylys jınaq bankimen» birlesip, turǵyn úı sertıfıkattaryn paıdalaný arqyly turǵyndardyń áleýmettik turǵydan osal toptaryn turǵyn úımen qamtamasyz etý tetigin ázirledi. Bul mehanızm memlekettik organdarmen keńesten keıin keıin túzetiletin bolady.
Úshinshiden, Joldaýda qazaqstandyq taýarlardy halyqaralyq naryqtarǵa shyǵarýǵa erekshe nazar aýdarylǵan. Atap aıtqanda, aldaǵy úsh jylda óńdeýshi ónerkásipti jáne shıkizattyq emes eksportty qoldaýǵa qosymsha 500 mlrd teńge bólý týraly tapsyrma berildi. Bul óndirýshilerimizge óte úlken kómek bolmaq.
Bizdiń salymdarymyzǵa keler bolsaq, aldaǵy úsh jylda holdıng 300 mıllıard teńgege eksporttaýshylarǵa qoldaý kórsetýdi josparlap otyr. Onyń ishinde 95 mıllıard teńge - Qazaqstannyń Damý Bankiniń qarajaty, 125 mıllıard teńge - aldyn-ala bólingen qarjyny qaıtarý esebinen jáne 80 mıllıard teńge - QDB saýdalyq qarjylandyrýyna arnalǵan respýblıkalyq bıýdjettiń qarajatyn tartý arqyly bólinedi.
Qazir Qazaqstannyń Damý Bankiniń tetikteri arqyly iri bıznesti keń aýqymdy qoldaý júzege asyrylýda. Sońǵy úsh jylda QDB 280 mlrd teńgeden astam somaǵa óńdeýshi ónerkásipte jáne óndiristik ınfraqurylymda 15 iri ınvestısııalyq jobany qarjylandyrdy. Qoldaý kórsetilgen kásiporyndardyń jalpy eksporttyq túsimi 370 mlrd teńgeden asty. QDB 2019 jylǵa deıin 95,8 mlrd teńge somasyna paıplaın jobasyn qurdy.
Eksportty ulǵaıtý úshin holdıng bosaǵan qarajattyń bir bóligin eksportqa baǵyttalǵan jobalardy qoldaýǵa qaıta baǵyttaýdy usynyp otyr. Atap aıtqanda, bólingen 100 mıllıard teńgeden iri kásipkerlik sýbektisin qarjylandyrýǵa 25 mıllıard teńgeni jiberý, bólingen 200 mıllıard teńgeden eksportqa shaǵyn jáne orta bıznestiń baǵyttalǵan jobalaryn qoldaý úshin 100 mıllıard teńgeni baǵyttaý usynylady.
Qoryta kele, Memleket basshysynyń Joldaýynda aıtylǵan baǵyttardyń árqaısysynda memlekettiń ornyqty damýyna jáne qazaqstandyqtardyń ómir sapasyn jaqsartýǵa naqty paıda ákeletin ekonomıkalyq jáne áleýmettik nátıje bar ekenin atap ótken jón. Holdıng memlekettik organdarmen, otandyq jáne sheteldik bıznes-seriktestermen úılestirilgen jumysynyń arqasynda, sondaı-aq el azamattarynyń belsendi qatysýymen barlyq tapsyrmalardy tıimdi oryndaıtyn bolady.
Aıdar ÁRIPHANOV,
«Báıterek» UBH» AQ Basqarma tóraǵasy