Nur Otanda densaýlyq saqtaý máselesi talqylandy

Otyrysqa Májilis depýtat­tary, Densaýlyq saqtaý, In­­vestısııalar jáne damý, Ult­tyq ekonomıka, Bilim jáne ǵy­lym, Aqparat jáne kommýnıka­sııalar, Aýyl sharýashylyǵy mı­nıstrlikteriniń, Bas pro­kýra­tý­ranyń, qoǵamdyq uıymdardyń já­ne oqý oryn­darynyń ókilderi qa­tysty. Qaralǵan másele bo­ıynsha aldymen Densaýlyq saq­taý mınıstriniń orynbasary Lá­z­zat Aqtaeva baıandama jasady. 

Jıynda búgingi tańda qo­ǵamdy alańdatyp otyrǵan máse­lelerdiń qatarynda sanı­tar­lyq-epıdemıologııalyq ba­qylaý talaptary men normalaryn saqtaý, taǵam ónimderiniń qaýipsizdigin qamtamasyz etý, medısınalyq qyzmet sapasyn baqylaý máseleleri ataldy. Sonymen qatar jalpy ın­feksııalyq aýrý men ýlaný, ólimmen aıaqtalý sııaqty qoǵamda jaǵymsyz pikir qalyptastyrǵan basqa da jaǵdaılar oryn a­lǵan sátte tıisti memlekettik or­gannyń ýákilettigine shekteý qoıý keri áserin beretindigi aıtyldy. Oǵan qosa, shuǵyl tekserý qaǵıdattarynyń bolmaý­yna baılanysty kásipkerlik sýbektiler qatelikterin jyldam túzep, jibergen kemshilikteri úshin jazadan qutylyp ketýde. 

Sondaı-aq táýelsiz saraptama, sonyń ishinde táýelsiz me­dı­sınalyq saraptama, táýel­siz sarapshy mártebesi men sarapshylyq qyzmet kór­se­tý ta­laptaryna qatysty norma­tıv­tik-quqyqtyq baza jetil­megen. 

Sóz sóıleýshiler densaýlyq saqtaý salasynda aýrýdyń aldyn alýyna qaıta baǵdarlaný qajettiligi jóninde aıtty. Onyń ishinde ózekti máseleler re­tinde mindetti ekpe, juqpaly já­ne juqpaly emes aýrýlardyń aldyn alý, salamatty ómir saltyn nasıhattaý, halyqtyń aq­pa­­rat­tandyrý deńgeıiniń tómen­­digi nazarǵa alyndy. Baıan­da­mashynyń aıtýyna qaraǵanda, sońǵy jyldary elimizde sozylmaly jáne juqpaly aýrýlardy anyqtaý men emdeýge jumsalatyn shy­ǵyn ósken. Osy maqsattarǵa kete­tin barlyq shyǵyndar 95 paıyz­dy quraǵan.

Sonymen qatar densaýlyq saqtaýdaǵy jalpy qarajat kóle­miniń tek 3 paıyzy ǵana bizdiń elimizde aldyn alý is-shara­laryna jumsalady, al EQDU memleketterinde bul kórset­kish 10 paıyzdy quraıdy. 

Otyrysta kásipkerlerdiń aldynda kezdesetin kedergilerdi alyp tastaý, qoǵamdyq den­saý­lyq saqtaý qyzmeti salasy úshin kadr daıarlaý, qoǵamdyq bir­lestikterdiń ónimder men taýar­lar sapasyn qamtamasyz etýdegi róli, t.b. máseleler talqy­landy. 

Jıyn nátıjesi boıynsha Úkimet pen tıisti memlekettik organdardyń atyna usynystar ázirlendi. 

Serik ÁBDIBEK,

«Egemen Qazaqstan»