Táýelsizdik kúni qarsańynda S.J. Asfendııarov atyndaǵy Qazaq ulttyq medısına ýnıversıtetinde Jastar saıasaty basqarmasy «Qazaqstan tarıhy jáne áleýmettik-gýmanıtarlyq pánder» men «Qoǵamdyq densaýlyq jáne densaýlyq saqtaý» kafedralarynyń bastamasymen «Rýhanı jańǵyrý – ult bolashaǵy, el mártebesi» respýblıkalyq ǵylymı-tájirıbelik konferensııasyn ótkizdi.
«Rýhanı jańǵyrý» baǵdarlamasyndaǵy kórsetilgen qoǵamdyq sanany jańǵyrtý máselelerin ǵylymı ortada talqylaýdy maqsat etken konferensııa barysynda ýnıversıtettiń strategııalyq jáne korporatıvtik damý jónindegi prorektory Ýbaıdılla Dathaev atalǵan oqý ornyndaǵy negizgi basymdyqtarǵa toqtalyp, baǵdaralama aıasyndaǵy jumystar barysyna toqtalyp ótti.
Almaty qalasynyń joǵary oqý oryndarynan Ál-Farabı atyndaǵy Qazaq ulttyq ýnıversıtetiniń professory Turǵanjan Tólebaev «Rýhanı jańǵyrý jáne ulttyq tarıhty zertteýdiń metodologııasyn jańartý» taqyrybynda baıandama jasasa, Abaı atyndaǵy QazUPÝ professory Jomart Sımtıkov óz baıandamasynda «Rýhanı jaǵyrý konteksindegi ulttyq sana máselesi» týraly ǵylymı negizderge toqtaldy.
QazUMÝ professor-oqytýshy quramynan «Qazaqstan tarıhy jáne áleýmettik-gýmanıtarlyq pánder» kafedrasynyń dosentteri Ǵaınıjamal Rsaldına «Rýhanı jańǵyrý baǵdarlamasy aıasynda latyndandyrý máselesi», Maqpal Jekebaeva «Sıfrly Qazaqstan» — zamanaýı tehnologııalar jáne jastar», «Qoǵamdyq densaýlyq jáne densaýlyq saqtaý» kafedrasynyń dosentteri Janat Qojekenova «Qazaqstan Respýblıkasynyń azamattarynyń densaýlyǵy úshin ortaq jaýapkershilik», Aqmaral Aıtmanbetova «Medısınalyq bilim berýdegi ınnovasııalyq jobalar» taqyrybynda oı bólisip, «Qazaqstan tarıhy jáne áleýmettik-gýmanıtarlyq pánder» kafedrasynyń meńgerýshisi Záýresh Nagaıbaeva konferensııa jumysyny qorytyndylady.
Respýblıkalyq ǵylymı-tájirıbelik konferensııaǵa qatysýshylar baǵdarlama aıasynda Qazaqstannyń joǵary oqý oryndarymen yntymaqtastyqty jalǵastyrý týraly rezolıýsııa qabyldandy.
Konferensııaǵa Almaty qalasynyń joǵary oqý oryndary, densaýlyq saqtaý mekemeleri jáne jastar uıymdarynyń ókilderi qatysty. Ýnıversıtet ǵylymı kitaphanasy taqyryp aıasynda kitap kórmesin uıymdastyrdy.
Elvıra SERIKQYZY,
«Egemen Qazaqstan»
ALMATY