Jaıyq ózeni men jaqyn jatqan arnalarda balyqtyń qyrylýynyń jańa oshaǵy tirkelmegen, ýákiletti organdar ózendi ólgen balyqtan tazartýdy jalǵastyrýda, dep habarlaıdy Atyraý oblysynyń О́ńirlik kommýnıkasııalar qyzmeti.
- Áleýmettik jelide taralǵan bekire tuqymdas balyqtardyń qyrylýy týraly beınejazba bir apta buryn Jaıyq ózenindegi balyq sharýashylyqtarynyń birinde túsirilgen. Bul jalpyǵa belgili fakt. Búgingi kúni balyqtyń qyrylýynyń jańa faktileri tirkelgen joq. Ahýal turaqty. Qazirgi ýaqytta mamandardyń baǵalaýy boıynsha sý balyq úshin qaýipsiz. Joǵaryda atalǵan jaǵdaı boıynsha qylmystyq is tirkelip, Jaıyqqa sý aǵyzatyn qurylǵylary bar barlyq kásiporyndarǵa jospardan tys tekserý júrgizilýde, - dedi Arman Moldashev.
Qazirgi ýaqytta vedomstvoaralyq komıssııa Jaıyqta balyqtyń jappaı qyrylý sebepterin anyqtaýda. Balyqtyń qyrylý faktisi boıynsha eki qylmystyq is qozǵaldy. Mamandar jaqyn arada Jaıyq ózenine sý aǵyzatyn qurylǵylary bar barlyq kásiporyndardy tekseredi. Buǵan deıin Qoǵamdyq densaýlyq saqtaý departamentiniń mamandary habarlaǵandaı Jaıyq ózeniniń sýy turǵyndar úshin qaýipsiz.