О́tken jyldyń jeltoqsan aıynan bastap narkologııalyq, psıhonevrologııalyq jáne týberkýlez dıspanserinen anyqtamany tegin jáne onlaın alýǵa múmkindik týdy. Bul týraly Ortalyq kommýnıkasııalar qyzmetinde ótken brıfıngte Densaýlyq saqtaý vıse-mınıstri Oljas Ábishev aıtty.
«Densaýlyq saqtaý mınıstrligi tarapynan kórsetiletin 40-tan asa medısınalyq qyzmet bar. Onyń 25-in elektrondy túrge tolyǵymen aýystyryp, 2018 jyly jeltoqsan aıynda narkologııalyq, psıhonevrologııalyq jáne týberkýlez dıspanseri anyqtamalaryn tolyǵymen tegin jáne onlaın túrde beriletin etip jasadyq», dedi Oljas Ábishev.
Iаǵnı, bul qyzmetterdiń barlyǵyna «Elektrondy úkimet» portaly arqyly qol jetkizýge bolady. Vıse-mınıstrdiń aıtýynsha, bul anyqtamalar boıynsha málimetter Ulttyq qaýipsizdik komıteti bekitken standarttar boıynsha qorǵalady.
Maıgúl SULTAN,
«Egemen Qazaqstan»