2019 jylǵy 26-27 aqpan aralyǵynda elimizde kóktemgi sý tasqyny kezeńi sharttaryndaǵy tótenshe jaǵdaılardy joıý kezindegi is-qımyldarǵa azamattyq qorǵaý memlekettik júıesiniń basqarý organdaryn, kúshteri men quraldaryn daıyndaý boıynsha «Kóktem 2019» respýblıkalyq komandalyq-shtabtyq oqý-jattyǵýy ótedi. Bul týraly IIM TJ komıtetiniń baspasóz qyzmeti habarlady.
Oqý-jattyǵýǵa respýblıkalyq azamattyq qorǵaý qyzmetteri - ortalyq atqarýshy organdar, oblystardyń, Astana, Almaty jáne Shymkent qalalarynyń jergilikti atqarýshy organdary – TJ-nyń aldyn alý jáne olardy joıý jónindegi komıssııalar, oblystyq, aýdandyq jáne qalalyq azamattyq qorǵaý qyzmetteri, avarııalyq-qutqarý qyzmetteri men quralymdary qatysady.
Oqý-jattyǵýdy basqarý shtaby Soltústik Qazaqstan oblysy Petropavl qalasynda.
Oqý-jattyǵý sheńberinde ortalyq jáne jergilikti atqarýshy organdardyń ózara is-qımyldary jáne qulaqtandyrý, praktıkalyq sý tasqynyna qarsy is-sharalardy (qardy jınaý jáne shyǵarý, aryqtardy tazalaý, qaptar men t. b. daıyndaý), azamattyq qorǵaý qurylymdary kúshteriniń jáne halyqtyń sý tasqyny kezeńinde is-qımyldary boıynsha arnaıy-taktıkalyq jattyǵýlar ótkizý, sondaı-aq azamattyq qorǵaýdyń memlekettik júıesiniń aýmaqtyq jáne salalyq kishi júıeleriniń qyzmet etý rejımin kóktemgi kezeńde TJ qaýpi jáne týyndaǵan kezde mindetterdi oryndaýǵa joǵarǵy ázirlik rejımine keltirý máselelerin pysyqtaý josparlanýda.