Jalaǵashtaǵy aýdandyq mádenıet úıinde qaıyrymdylyq aksııasy ótti.
Aksııaǵa memlekettik qyzmetkerlerden bólek, sharýa qojalyqtarynyń basshylary, kásipkerler qatysyp 2 mln. 500 myń teńge jınaldy. Ol qarjy turmysy tómen 120 otbasynyń qajetine beriledi.
- Búgingi aksııa aýdan aýmaǵyndaǵy kómekke muqtaj turmysy tómen kópbalaly otbasylardy, múgedekter men jalǵyzbasty qart kisilerdi, zeınetkerlerdi, jetim jáne qamqorshysynan aırylǵan balalardy áleýmettik qoldaý baǵytynda uıymdastyrylyp otyr. Aksııa barysynda áleýmettik qoldaý sharalary úshin qarjylaı kómek kórsetýge arnaıy jáshik qoıyldy. Qaıyrymdylyq is-sharasynan túsken qarjyny arnaıy komıssııa turmysy tómen, az qamtylǵan otbasylaryna bóletin bolady. Bul baǵyttaǵy ıgi sharalar aldaǵy ýaqytta da nazardan tys qalmaı, keńinen jalǵasyn tabady, - dedi aýdan ákimi Qaıratbek Sársenbaev.
Baqtııar TAIJAN,
«Egemen Qazaqstan»
Qyzylorda oblysy