Oblysta «Bastaý» oqytý jobasy bastaldy. Biraq bıyl bıznes álipbıin oqyp, sertıfıkat alǵysy keletinderdiń sany byltyrǵyǵa qaraǵanda kúrt qysqardy, olar bir myń adamnan sál ǵana asady. Al ótken jyly osy joba boıynsha 2300 adam sertıfıkat alǵan edi. Biraq munyń esesine jastar jańa «Jas kásipker» jobasynda óziniń baǵyn synap kórýine bolady.
«Bastaý» jobasyna qatysýǵa qazir 700-deı adam ǵana ótinish bildirdi. Bul boıynsha oqytý oblystyń 16 aýdany men qalalarynda ótedi. Úsh lek sheńberinde 1140 adamdy oqytý josparlandy. Bul árıne, byltyrǵydan eki ese az. Biz turǵyndar áli de ótinish beredi degen oıdamyz» deıdi Qostanaı oblystyq kásipkerler palatasynyń qarjylyq emes qoldaý bóliminiń bastyǵy Robert Iýsýpov.
Oqýǵa tilek bildirgender aldymen kásipkerlik negizi boıynsha testileýden ótedi. Bul psıhologııalyq test olardy adamnyń áleýetin ashyp, ony túrli jaǵdaıda tyǵyryqtan shyǵýǵa baǵyttaıdy. Oqý 25 kúnge sozylady, bul úshin qatysýshylarǵa stıpendııa tólenedi. Sertıfıkat kásipkerlikke talpynǵandarǵa grant pen jeńildikpen beriletin nesıe utyp alý úshin beriledi.
«Jas kásipker» jobasy Qostanaı oblysynda bıylǵy jyldyń ekinshi jartysynan bastalady. Oǵan 18 ben 29 jas aralyǵyndaǵy jumyssyz jastar qatysady.
Názıra Járimbet,
«Egemen Qazaqstan»
Qostanaı