Almatyda Jas natýralıster stansııasynyń belsendileri qaladaǵy Tuńǵysh Prezıdent saıabaǵyna júz túp bórtegúl otyrǵyzdy. Belsendiler bul ıgilikti isti birneshe jyl qatarynan atqaryp keledi. Buǵan deıin qalanyń birqatar aýmaǵyna ásem gúlder egilgen.
Jasyl ekonomıka basqarmasy mamandarynyń málimetinshe, saıabaq aýmaǵyna egilgen bórtegúl kóshetteri tanymal jerlesterimiz, seleksıoner-ǵalymdar, Dzevıskıılerdiń kolleksııasynan alynǵan. Olar ómirleriniń shırek ǵasyryn bórtegúlderdi zertteýge arnaǵan bolatyn. 70-80 jyldary aǵaıyndy ǵalymdar Almatyny kógaldandyrýǵa óz seleksııalarynan 6 myńnan astam bórtegúl kósheti men 2 jarym myń butaǵyn bergen. «Sol jyldary bórtegúlder búkil qala aýmaǵyna sán bergen» deıdi mamandar.
Keler jyly kóktem aılarynda bórtegúl kóshetteri gúlder bolsa, saıabaqqa hosh ıis syılamaq.
Bıyl shaharǵa 12 myńnan astam aǵash otyrǵyzý josparlanǵan.
Arman OKTIаBR,
«Egemen Qazaqstan»
ALMATY