25-29 naýryzda Túrkistan oblysynyń kórikti jerinde elimizdiń barlyq aımaǵynan AITV-men ómir súretin jasóspirimder Johnson & Johnson farmasevtıkalyq kompanııasynyń Janssen qoldaýymen Qazaq dermatologııa jáne ınfeksııalyq aýrýlar ǵylymı ortalyǵy men «Qoǵamdyq densaýlyq assosıasııasy» ZTB uıymdastyrǵan kóshbasshylyqtyń alǵashqy qazaqstandyq mektebine qatysty.
Toptardaǵy sabaqtardy tájirıbeli psıhologtar, áleýmettik jumyskerler, úkimettik emes qoǵamdyq uıymdardyń qyzmetkerleri júrgizdi. Jattyqtyrýshylyqqa Ýkraınadan kelgen AITV-men ómir súretin jasóspirimder shaqyryldy. Olar óz tájirıbesindegi AITV-statýsynyń rastyǵyn qabyldaý, ózin ózi qor sezinýdi jeńý men jastar úshin qoǵamdyq uıymdardy qurý týraly «teń-teńine» qaǵıdasy týraly baıandady.
– Mundaı mektepti qolǵa alýdaǵy maqsat – kóshbasshylar qaýymdastyǵyn qalyptastyrý úshin aldymen aımaqtan kelgen jasóspirimderdi tanystyrýdy kózdeıdi. Jáne bul jasóspirimdedi eresek ómirge beıimdeý, ishki áleýetin arttyrý, psıhoemosıonaldyq turaqtylyǵyn nyǵaıtý da asa mańyzdy. AITV-men ómir súrý týraly bilim deńgeıin arttyryp, emge joǵarǵy beıildilikti qalyptastyryp otyrý qajet, – dedi QR DSM Qazaq dermatologııa jáne ınfeksııalyq aýrýlar ǵylymı ortalyǵynyń dırektory Baýyrjan Baıserkın.
Jasóspirimder ustazdarymen birge bes kún bilimderin tolyqtyryp, AITV-men ómir súrý, kemsitýshilik pen ózin ózi kemsitýdi jeńý, antıretrovırýstyq terapııaǵa beıildilik daǵdylaryn jaqsartty.
Keshki ýaqyttarda balalar sporttyq oıyndarǵa, shyǵarmashylyq úıirmelerge, fakýltatıvter men vıktorınalarǵa qatysty. Belsendi oqýshylar syılyqtarǵa ıe boldy. Balalar oqydy, oınady, sýret saldy, monshaq toqý ónerin meńgerdi. Eń bastysy jańa dostar tapty.
– Kóshbasshylyqtyń mundaı mektepteri AITV juqtyrǵan jasóspirimder úshin óte mańyzdy. Atap aıtqanda, osynda AITV-ınfeksııasyna baılanysty qorqynyshtar men ýaıymdarymyz týraly ashyq aıta alamyz. Árqaısysy bir birine qoldaý kórsetýge yqylasty. Keıde daýlassaq ta, ózimizdi tolǵandyryp júrgen máselelerge jaýaptar alamyz. Sodan keıin árıne, demalysty jaqsy ótkizemiz, – deıdi óziniń oń AITV-ahýalyn Qazaqstanda birinshi bolyp ashyq jarııalaǵan jasóspirim Baýyrjan Baıdýllaev.
Endi elimizdegi AITV juqqan jasóspirimderge arnalǵan kóshbasshylyqtyń kóktemgi mektebi jyl saıyn ótedi.
Aınash ESALI,
«Egemen Qazaqstan»
ALMATY