Aldymen Memleket basshysyna Stýdentterge qyzmet etý ortalyǵy tanystyryldy.
Stýdentterge qyzmet etý ortalyǵynda barlyq bilim alýshylarǵa qyzmet kórsetiledi. Bilim alýshylar jáne kelýshiler tolyq aqparatty bir terezeden alýǵa múmkindikteri bar. Anyqtamalarǵa jáne trankrıptke tapsyrysty onlaın júıe arqyly bere alady. Elektrondy kezek arqyly daıyn tapsyrystaryn ala alady. Ortalyqta shetel bilim alýshylardy tirkeýge alyp oqý vızalaryn ashady. Sonymen qatar, stýdentterge qyzmet kórsetý ortalyǵynda 13 memlekettik qyzmet kórsetiledi.
Ýnıversıtet rektory Berik Ahmetov Memleket basshysyna ýnıversıtettiń ınfraqurylymy jóninde baıandap, ýnıversıtette engizilip jatqan jańa tyń ıdeıalardy tanystyrdy.
Baıandamadan soń Prezıdent Teńiz akademııasynyń jumysymen tanysty. Memleket basshysynyń nazaryna Norvegııalyq Kongsberg kompanııasynyń keme júrgizýshilerdi jáne keme mehanıkterin oqytýǵa arnalǵan joǵary tehnologııalyq trenajerlary kórsetildi. Trenajerlardy jumys kezinde stýdentterdiń ózderi tanystyrǵan bolatyn.
Aıta keterlik jaıt, qazirgi ýaqytta Yessenov University stýdentteri Kaspıı teńiz jáne ózen kóligi ınstıtýtynda tájirıbeden ótýde. Kaspıı teńiz jáne ózen kóligi ınstıtýty-teńiz, ózen jáne aralas "ózen-teńiz" sýlarynda júzetin barlyq úlgidegi kemelerde jumys isteýge quqyǵy bar sý kóligi úshin orta jáne joǵary kásibı bilimi bar mamandar daıyndaıtyn Kaspıı mańy makroóńirindegi jalǵyz salalyq bilim berý kesheni. Stýdentter iri salalyq kásiporyndarda, sondaı-aq ózen jáne teńiz flotynyń kemelerinde praktıkalyq daǵdylardy alýǵa múmkindigi bar.
Mańǵystaý oblysy