Ýnıversıtette jańa ortalyqtar ashyldy

Búginde Yessenov University – joǵary materıaldyq-teh­nı­ka­lyq baza­men jabdyqtalǵan, stýdent­ter­diń ıntellektýaldyq jáne shyǵar­ma­shylyq damýy­na jan-jaqty múmkindik bere­tin, aımaq­tyń dástúrli jáne ınnova­sııa­lyq klasterleri úshin mamandar daıarlaýdy júzege asyrýǵa ıkemdi tu­tas ǵylymı-tehnıkalyq ınfra­qu­­rylym bolyp tabylady. Bıylǵy oqý jylynda ýnıversıtet stýdentteriniń sany úsh esege artty. Olardyń arasynda myńnan asa shetelden kelgen bilim alýshylar qabyldandy.

– Oqý orny aldyna tyń jobalar men bastamalardy qoıyp otyr. Maqsat – jastarǵa jańa­sha bilim berip, zaman tala­by­na saı básekege qabiletti ma­man­dar daıar­laýǵa qol jet­ki­zý. Bul baǵyt­ta ýnıversıtet basshy­ly­ǵy Elbasynyń «Bolashaqqa baǵdar: rýhanı jań­ǵy­rý» baǵdar­la­malyq maqalasyn basty baǵdar etip, ony júzege asyrý jolynda jumys jasaýda. Sondaı-aq Elbasy 2019 jylǵy Jastar jylyn­da jastarǵa kóńil bólip, qoldaý kórsetý qajettigin tapsyrdy. Damyp kele jatqan elimiz­diń bolashaǵy jastardyń eńbekqorlyǵyna, talap-tilegine, ar­man-muratyna baılanys­ty. Olar ata-babalarymyzdan mura bolyp kele jatqan qun­dylyqtarymyzdy, tarıhı dástúr­lerimizdi jańǵyrtyp, qata­ryna úlgi bolýy mindetti, deı­di ýnıversıtet rektory B.Ahmetov. 

О́tken jyldan beri óńir jas­tary birneshe startap jobalarǵa qatysý arqyly kásipkerligin bas­tap, tabys ákelýde. Sonyń biri – «Meniń armanym» ulttyq startap jobalar baıqaýy. Ýnıversıtette uıym­dastyrylǵan irikteý ke­zeńin­de 200-den astam ıdeıalar tirkeldi, úzdik 42 joba jergilikti kásip­kerlerge óz jobalaryn qorǵap, 30 joba shırek fınalǵa, sonyń ishinde 8 joba jartylaı fınalǵa qatysyp, 5 joba fınalǵa ótti. Jýyrda óńirde ótken jas­tar forýmynda ýnıversı­tet stýdent­te­ri tanystyrǵan «Aqyldy taıaqsha» jobasy qazirgi tań­da óte kerekti áleýmettik joba­­lardyń biri retinde baǵa­la­nýda. 

Elbasynyń 5 áleýmettik bas­tamasyn júzege asyrý jáne jastardy áleýmettik qoldaý maqsatynda ýnıversıtet bıylǵy jyly 500 oryndyq stýdenttik jataqhana, kelesi jyly taǵy bir 500 oryndyq stýdenttik jataqhana salýdy josparlap otyr. 

Aldyna bıik josparlardy qoıyp otyrǵan ýnıversıtette Amal merekesi qarsańynda tyń jańa­lyqtardyń tusaýy kesildi. «Rý­hanı jańǵyrý» baǵ­dar­lamasy aıasynda kásipkerlik bilim berý baǵytynda Kaspıı óńiri jastarynyń, jańa bas­taýshy kásipkerlerdiń jáne oqytýshylar quramy arasynda ınnovasııalyq jáne kásipkerlik áleýetin arttyrý, keleshekte startap ıdeıalardy tabysty bızneske aınaldyrý maqsatynda «Kaspıı» kásipkerlik ortalyǵy ashyldy. Bul ortalyqta ýnıversıtetke oqýǵa kelgen stýdent óz mamandyǵy boıynsha bilim alyp qoımaı, óz bıznesin damytýyna múmkindik alady. Sondaı-aq halyq shejireshisi, qazaq halqynyń, onyń ishinde Mańǵystaý qazaqtary bastan keshirgen tarıhı oqıǵalardyń izin zerdelegen ólketanýshy, Adaıdyń rýlyq genealogııasyn, shejiresin qaǵaz betine túsirgen alǵashqy avtordyń biri Alshyn Mendalıev atyndaǵy jáne qoǵam qaıratkeri, kóp jyldar aýyl sharýashylyǵy salasynda basshylyq qyzmet atqarǵan, «Parasat» qozǵalysynyń je­tek­­shisi, «Halyqtyq kelisim» QB birinshi tóraǵasy bolǵan Jazdyrhan Seıdalıev atyndaǵy aýdı­torııalar stýdentter ıgi­li­gi­ne usynyldy. 

Básekege qabiletti, jan-jaqty bilimdi jastardy qalyptastyrý úshin olardyń til úırenýi de bas­ty nazarda. Sondyqtan ýnıver­sıtet­te ońtústikkoreıalyq Ton­men Ýnıversıteti men Yessenov University arasyndaǵy ynty­­maqtastyqty nyǵaıtý ju­mys­­­tarynyń jalǵasy retinde, A.Jubanov atyndaǵy Aqtóbe óńir­lik memlekettik ýnıversıteti janyn­daǵy «Koreı tili orta­ly­ǵynyń» dırektory Son Sı Menniń qoldaýymen «Koreıa Respýblıkasynyń mádenıeti men tarıhyn tanymal etý jáne koreı tilin úırenýge qoldaý kórsetý» maqsatynda koreı tili ortalyǵy, sondaı-aq latyn tili, aǵylshyn tili ortalyqtary ashyldy. Endi stýdentter atalǵan ortalyqtarda til úırenip, kásipkerlikti qoldaý orta­lyǵynda óz jobalaryn júze­ge asyrýǵa qanattanatyn bolady.  Mańǵystaý oblysy