Belgilengen merzimde áskerı jáne arnaıy tehnıkaǵa sapaly qyzmet kórsetip, qarý-jaraqtyń jaı-kúıin tekserip, anyqtalǵan aqaýlyqtardy joıýǵa týra keledi.
Quramalar men bólimderde barlyq sanattaǵy áskerı qyzmetshilermen jaýyngerlik mashınalar parkterinde maýsymdyq jumystardy uıymdastyrý, sondaı-aq tehnıkada jumys jasaý kezinde qaýipsizdik sharalaryn saqtaý jóninde kórsetilimdi sabaqtar ótkizildi. Daıyndaý jáne qyzmet kórsetý boıynsha operasııalardy oryndalý tehnologııasy men birizdiligi, jyldyń ystyq mezgilinde tehnıka men qarý-jaraqty paıdalaný erekshelikteri men tártibi tolyq zerdelendi.
«Batys» óńirlik qolbasshylyǵynyń materıaldyq-tehnıkalyq qamtamasyz etý Ortalyǵynyń shtaba bastyǵy podpolkovnık Rýslan Kýbashevtiń aıtýynsha, barlyq áskerı bólimder men bólimsheler aldyn ala qajetti qosalqy bólshektermen, aspappen jáne janar-jaǵarmaıdyń barlyq túrlerimen qamtamasyz etilgen. Berilgen ýaqytta áskerı qyzmetshilerge tómen salqyndatqysh suıyqtyqtardy, súzgileý elementteri men tozyǵy jetken rezeńke tehnıkalyq buıymdardy, maı men maılaǵyshtardy aýystyrý, toraptar men mehanızmderdi retke keltirip, jóndeý qajet. Árbir jaýyngerlik mashınalar parkiniń aýmaǵyn tıisti jónge keltirip, saqtaý oryndarynyń, parktik úı-jaılardyń aǵymdaǵy jóndeýin júrgizý, óndiristik jabdyqqa qyzmet kórsetý de mańyzdy jumystardyń biri bolyp tabylady.
Maýsymdyq jumystardy júrgizý kezinde jaýyngerlik jáne arnaıy tehnıkanyń, sondaı-aq jeke quram men qaýipti júkterdi tasymaldaýǵa arnalǵan avtomobılderdiń tehnıkalyq jaı-kúıine erekshe nazar aýdarylatyn bolady.