Bul jóninde О́ńirlik kommýnıkasııalar qyzmeti alańynda «Azamattarǵa arnalǵan úkimet» memlekettik korporasııasynyń úsh jyldyq qyzmetine baılanysty ótken brıfıngte fılıal dırektory Erbol Baıjigit málimdedi.
Brıfıng barysynda memlekettik qyzmetter reestrindegi 752 qyzmettiń 621-i (ıaǵnı 83%) memlekettik korporasııa arqyly, al 506-sy elektrondy túrde qoljetimdi ekeni aıtyldy. Fılıal dırektorynyń orynbasary Aıbek Muzbaevtyń keltirgen málimeti boıynsha, memlekettik korporasııa qurylǵannan bastap Mańǵystaý oblystyq fılıaly aımaq turǵyndaryna 3 mln-ǵa jýyq qyzmet kórsetse, onyń 1 mln 903 myńyn mańǵystaýlyqtar ortalyqqa kelip, óz betinshe alǵan. Sondaı-aq fılıalda sońǵy úsh jylda 475 myńnan astam ESQ (elektrondy sıfrlyq qoltańba) rásimdelgen.