Halyqaralyq akkredıtteý boıynsha CIS dırektory Stıýart Makleı mektepke quttyqtaý hatyn joldap, ujymnyń bilim men tárbıedegi umtylystaryn joǵary baǵalaǵan.
Sáýir aıynyń basynda keńestiń sarapshylarynan quralǵan jumys toby óńirdegi mekteptiń halyqaralyq standartarǵa sáıkestigin baǵalaý maqsatynda kelgen edi. Avstralııa, Rýmynııa, Fransııa, Belgııa, Taıland, BAÁ, О́zbekstan elinen kelgen táýelsiz sarapshylar bes kún boıy uıymnyń tynys-tirshiligimen tanysyp, ákimshilik ókilderi, pedagogtarmen, oqýshylar jáne ata-analarmen kezdesip, bilim berý júıesine baqylaý júrgizdi. CIS komandasy bilim berý prosesi men mektep ómiriniń uıymdastyrylýyna da baǵa berdi. Sarapshylar sabaqtarǵa, úıirmelerge, sport seksııalaryna qatysyp, balalardyń tamaqtaný jáne medısınalyq kómek alý múmkindikterin óz kózderimen kórdi. Mamandar tótenshe jaǵdaıdaǵy balalar men ujym qaýipsizdigine basa nazar aýdaryp, birneshe sıtýasııalyq jaǵdaılardy da baqylady.
- Halyqaralyq mektepter keńesinen akkredıttelýinen ótý mektebimizge úzdiksiz damýǵa tamasha múmkindikter ashady. Bul oqý ornynyń únemi joǵary bilim sapasyna umtylysynyń dáleli jáne bizge úlken jaýapkershilik júkteıdi, - dedi mektep dırektory Ermek Paızov.
Mańǵystaý oblysy