Búkilálemdik bank ókilderiniń Mańǵystaý sottaryna issaparynyń maqsaty – qazaqstandyq sot tóreliginde aqparattyq tehnologııa men IT júıeniń qoldanysymen tanysý jáne sot júıesi jumysyn uıymdastyrýdyń halyqaralyq ozyq tájirıbesin zerdeleý. Sottardy aralaý barysynda olar materıaldyq-tehnıkalyq qamtamasyz etilýimen qatar, sot zaldaryndaǵy aýdıo-beınejazba qurylǵylarynyń, sot keńsesindegi elektrondy servısterdiń jumystaryna, azamattarǵa qyzmet kórsetý tásilderine kýá boldy. Olar qalalyq sottardaǵy «Sot tóreliginiń 7 túıini» boıynsha júzege asyrylǵan front-ofıs, medıasııa kabıneti, sýdıa kómekshisi sekildi pılottyq joba nátıjelerimen jaqyn tanysty.
Nurtaı Almashov qonaqtarǵa Qazaqstan sottarynda medıasııa rásimi negizinde Bıler keńesi jumys isteı bastaǵanyn, smart-sot arqyly isterdi qashyqtan ótkizý nátıjesin, isterdi saqtaý tájirıbesin túsindirdi. Sondaı-aq, ol qazirgi tańda Qazaqstan Respýblıkasy men Búkilálemdik Banktyń arasyndaǵy ózara is-qımyldyń qarqyndy damyp otyrǵanyn atap ótti.