Qoǵamdyq keńestiń tóraǵasy Nurǵazy Buharbaev júrgizgen jıynda keńes músheleri aldymen qalalyq Tótenshe jaǵdaılar departamentiniń bastyǵy Nurbolat Derbisovtyń esebin tyńdady. Basqosýda kún tártibinde qaralǵan negizgi máseleler bilim, jol salalary boldy. Qalalyq bilim basqarmasynyń mindetin atqarýshy Aıgúl Tekebaeva keńes músheleriniń bala tárbıesi, bilim berý máseleleri boıynsha suraqtaryna jaýap berdi.
Al qalalyq sıfrlandyrý basqarmasynyń basshysy Aınur Iýsýpova «Sáýlet basqarmasynyń geoservısi» aqparattyq júıesiniń qazirgi jaı-kúıi, oryn alyp otyrǵan problemalar týraly baıandady.
Keńes músheleri jıynda jerleý jáne qabirlerdi qarap-kútý jónindegi isti uıymdastyrý qaǵıdalary men turǵyn úı-kommýnaldy sharýashylyq nysandarynyń qaýipti tehnıkalyq qurylǵylaryn esepke qoıý jáne esepten alý tártibin belgileý, turǵyn úı kómegin kórsetýdiń mólsheri men tártibin aıqyndaý týraly QR Úkimeti bekitken nusqaýlyqtardy talqylady.