- Kópten kútken shyraıly jaz jaıma shýaq jáne jylýlyq sezimderge toly oqıǵalarmen tuspa-tus kelip otyr. Osyndaı oqıǵalardyń biri Halyqaralyq balalardy qorǵaý kúnine arnalǵan merekelik sharalar boldy.
Balalarǵa qamqorlyq tanytyp, olardyń balalyq shaǵyn qyzyqty etken abzal. Balanyń kúlkisi men qýanyshqa toly janary álemdegi eń úlken baılyq. Halyqaralyq balalardy qorǵaý kúni ár balanyń balalyq dáýreni qyzyqqa toly ári baqytty bolýy tıistigin taǵy bir ret eske salady. Balalardyń kóńil-kúıin shat-shadyman qylý, jaǵymdy emosııalar, dostyq, patrıotızm sezimin týǵyzý, olardyń arasyndaǵy dostastyq qarym-qatynasty jaqsartý ótkizilip jatqan is-sharalardyń negizgi maqsaty boldy, deıdi «Batys» óńirlik qolbasshylyǵynyń baspasóz qyzmetinen kapıtan Rýstem Igısınovú
Atyraý, Aqtóbe jáne Aqtaý qalasynda mereke áskerı bólimderdiń aýmaǵynda uıymdastyryldy. Onda ártúrli jappaıy oıyndar (men asfaltta sýret salamyn, sharlardy úrleý jáne t.b.), jergilikti ansambl ártisterimen kóńildi bıler, anımatorlardyń ınteraktıvti baǵdarlamasy boldy. Sondaı-aq, óńirlik áskerı garnızondarda áskerı qyzmetshileri balalarynyń sýretter kórmesiniń tusaýkeseri ótkizildi. Meıram samaladaı jaryq, kóńildi jáne áserli boldy. Balalar men eresekter keremet oń áserge bólendi. Is-shara «Fantazııa» balalar stýdııasy ázirlegen merekelik konsertpen aıaqtaldy.