Keshe Aqtaý qalasynda teńiz jaǵalaýynda FIA Halyqaralyq Avtomobıl Federasııasynyń «Rallı Qazaqstan 2019» rallı-reıdter boıynsha Álem Kýbogy kezeńiniń saltanatty máresi ótti. Shıeleniske toly alty jarys kúniniń qorytyndysy boıynsha katarlyq avtoshabandoz Nasser Ál-Attııa shtýrmany Mate Bomelmen birge jeńis toıyn toılady, ekinshi oryndy erli-zaıypty Stefan men Andrea Peteranselderdiń ekıpajy ıelense, úzdik úshtikti Iаkýb Pshıgonskı men Tımo Gottshalk túıindedi.
Rallı-reıd Mańǵystaý oblysynyń aýmaǵynda 27 mamyr men 1 maýsym aralyǵynda ótti. «Rallı Qazaqstan 2019» jarys baǵyty alty kezeńge bólindi jáne shabandozdar dala joldary, qum jotalary jáne jolsyzben barlyǵy 2500 kılometrden astam qashyqtyqty baǵyndyrdy.
«Rallı Qazaqstan 2019»-da barlyǵy álemniń 17 elinen (Belgııa, Brazılııa, Germanııa, Katar, Ispanııa, Italııa, Nıderlandy, Portýgalııa, Reseı, Saýd Arabııasy, Slovakııa, Túrkmenstan, Chehııa, Chılı, Fransııa) 28 ekıpaj baq synady. Jarysqa Qazaqstan atynan 3 sport ekıpajy qatysty.