Aqtaý qalasynda patrýldik polısııa qyzmetkerleri jaǵalaýdy patrýldeýge kvadrosıkldermen jáne elektromobıldermen kirisken. Olar «Kaspıı» stasıonarlyq patrýldik beketi 4-shaǵyn aýdannan 15-shaǵyn aýdandaǵy «Samal» turǵyn alabyna deıingi jaǵalaý aımaǵyn táýlik boıy patrýldeýdi qamtamasyz etedi. 7:5 kvadrosıkl jáne 2 elektromobıl kólikterimen jyl boıy polısııa yzmetkerleri eki adamnan aýysymmen jumys isteıdi.
Kez kelgen quqyq buzýshylyq rasııa arqyly beriledi jáne patrýl shaqyrý ornyna elektrokarmen nemese kvadrosıklmen barady. Bekette jedel basqarý ortalyǵy bar. Osydan búkil jaǵalaý aımaǵy kórinedi. Beınebaqylaý júıesi 4 shaqyrym radıýsta jaǵalaý aımaǵyn baqylaıdy. 16 kamera Kaspııdiń jaǵasynda bolyp jatqan jaǵdaıdyń barlyǵyn túsiredi. 36 ese úlkeıtý fýnksııasy arqyly quqyq buzýshynyń betin túsirip, polıseılerge adamnyń kinásin dáleldeýge kómektesedi. Beınejazba bir aı ishinde kompıýter jadynda saqtalady.
Osylaısha, polıseıler qoǵamdyq tártipti saqtaýdy jáne quqyq buzýshylyqtardyń aldyn alýdy qamtamasyz etedi.
Mańǵystaý oblysy