Mańǵystaýda shuǵyl-izdestirý sharasynyń kezinde jalǵan qujaty bar 13 460 000 dana temeki tıegen júk kóligi ustaldy. Bul týraly Mańǵystaý oblystyq polısııa departamentiniń baspasóz qyzmeti habarlady.
Jedel-izdestirý sharasy 1 maýsym kúni ótken. Polısııa qyzmetkerleri DAF júk kóligin toqtatyp, tekserý barysynda MAS Extra filter blue temekisin tárkilegen. Kólikten 13 460 000 dana temeki tabyldy. «Bul ónimdi jalǵan qujat kórsetip, kontrabandalyq jolmen alyp ótpek bolǵan. Bul derek Mańǵystaý oblysy polısııa departamentiniń sotqa deıinge tergep-tekserýdiń biryńǵaı tiziliminde Qazaqstan Respýblıkasy Qylmystyq kodeksiniń 286 baby 1 tarmaǵymen tirkeldi», delingen habarlamada. Moıyndaý jaýaptary alynǵan. Qazir tergeý sharasy júrip jatyr.