«Bıznestiń qyr-syryna ábden qanyǵý úshin men aldymen «Bastaý» kýrsyna oqyp aldym. Bıznesti josparlaýdy, baǵa saıasatyn, naryqty zertteýdi úırendim. Balalar tósegine ketetin shyǵyn men baǵany baǵamdaýdy bilmeıdi ekenbiz, sonyń barlyǵyn túsindim» deıdi Ámına Janábilova. Jas otbasy grant utýǵa qatysý úshin joldama aldy. Erli-zaıyptylardyń jobasy sarapshylarǵa unap, olar 252500 teńgeniń grantyn utyp aldy. Ol qarjyǵa otbasy reısmýstyq stanok satyp aldy.
«Stanokty satyp alǵanǵa deıin aǵash tósektiń keıbir bólikterin aqy tólep jasatyp alyp júrdik, ol árıne arzanǵa túspeıtin. Al qazir kerekti materıaldyń barlyǵyn jurtqa jalynbaı ózimiz jasaımyz» deıdi Ámına. Otbasynyń alǵashqy aǵash tósegi garajda jasalypty. Qazir olar seh jaldaıdy. Sovettiń isine qarap, ol buryn temir jol salasynda istegen, ustalyqqa eshqandaı qatysy bolmady degenge sený qıyn. Sovettiń qolyna túsken qaraǵaı túrlenip, balalardyń aǵash tósegine aınalady. Onyń qolynan shyqqan aǵash tósek balalarǵa da, ata-analarǵa da unaıdy. Kásipti jolǵa qoıý jas kásipkerge ońaı da bolyp turǵan joq. Kómekshi jetispeıdi. Kásibı aǵash ustalaryn tabý ońaı emes.
«Aldaǵy ýaqytta kolledjdermen baılanys ornatsaq dep otyrmyz. Kolledj stýdentterin ózimizge alyp, úıretemiz» deıdi Ámına.
Qostanaı